Puent de la Reina
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre o municipio navarro. Ta o municipio d'a Chacetania se veiga Puen d'a Reina de Chaca.
| Puent de la Reina Gares | |||
| Municipio de Navarra | |||
| |||
 Puen de la Reina. | |||
| Entidat • Estau • Comunidat • Comarca |
Municipio Espanya NavarraComarca de Puent de la Reina | ||
| Superficie | 39,7 km² | ||
| Población • Total |
2944 hab. (2013) | ||
| Altaria • Meyana |
344 m. | ||
| Distancia • 24 km |
enta Pamplona | ||
| Alcalde | Oihan Mendo Goñi | ||
| Codigo postal | 31100 | ||
| Ríos | río Arga | ||
| Coordenadas | | ||
| Web oficial | |||
Puent de la Reina (Puente la Reina en castellano; Gares en basco) ye un municipio de Navarra situato en a comarca de Puent de la Reina (en ye a suya capital) y merindat de Pamplona a una distancia de 24 km d'a ciudat de Pamplona, a capital de Navarra y d'a suya merindat.
La suya población ye de 2.777 habitants (2008), en una superficie de 39,7 km² y una densidat de población de 69,95 hab/km².
Ye un punto important en lo Camín de Sant Chaime.
Historia
Alifonso I lo Batallero dió carta de población a l'antiga aldeya de Garez pa atrayer población occitana. En 1122 li se dió lo Fuero d'Estella.
Toponimia
En la Edat Meya s'escribiba Puent de la Reina. La tradición diz que lo nombre de Puent de la Reina provién del puent romanico sobre lo río Arga que mandó construir una reina anonima, por un regular se diz que Donya Mayor (muller de Sancho lo Mayor) u Donya Estefanía (muller de García Sánchez III de Navarra). Bels etimolochistas proponen atra hipotesi y lo deriban de Pons Rune, on Runa sería lo nombre antigo de lo río Arga, relacionato con Iruña.
En la Edat Meya se conoixen diferens variants de lo nombre basco Garez, Gareix u Garesh. Lo nombre basco Gares dixó d'emplegar-se cuan desapareixió l'emplego de lo basco en la redolada. Se conoixe por lo testimonio escrito de José Moret en lo sieglo XVII y por bels toponimos menors de la redolada como Garesbidea. Se crei que tien relación con lo basco gari, trigo.
Parla
La comarca de val d'Izarbe yera tradicionalment bascofablant, pero en Puent de la Reina i heba muita población orichinaria de lo norte de los Pireneus y en contacto con los pelegrins, y doncas, se i charraba tamién occitán cispirenenco. Dica bien entrato lo sieglo XIX lo basco yera la luenga que se charraba en tota la val d'Izarbe, perdendo-se lo suyo uso cuasi de tot a principios de lo sieglo XX a causa de lo trafego chenerato por las guerras y por los triballadors foranos de lo ferrocarril de lo Carrascal. Huei bi ha un chicot augmento de fablants favoreixito por los programas de vasquización que se fan dende lo Gubierno de Navarra.
Muit amán, en Uterga, l'abate Juan de Bearin escribió en 1621 un chicot tractau de liturchia y un catecismo. N'ixas fechas (1635) se plega a vedar por lo bispato de Pamplona la predicación en una luenga diferent de lo basco, baixo pena d'excomunión.
Demografía
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Se veiga tamién
| Municipios d'a Comarca de Puent de la Reina | |
|---|---|
| Adiós | Añorbe | Artazu | Biurrun-Olcoz | Enériz | Guirguillano | Legarda | Mañeru | Muruzábal | Obanos | Puent de la Reina | Tirapu | Úcar | Uterga |