Glaciar de Montferrato
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Glaciar de Montferrato Glacier du Montferrat | |
| País |  Occitania
|
| Rechión | Occitania |
| Departamento | Altos Pireneus |
| Municipio | Gavarnía e Gèdra |
| Aria protechida | Parque Nacional d'os Pireneus |
| Cordelera | Pireneu |
| Macizo | Macizo de Camachibosa |
| Val | Val d'Osso |
| Tipo | Glaciar penchau |
| Estau | En retacule |
| Frent | |
| Pai | |
| Derivaus | |
| Altaria | 2.700 m |
| Largaria | 0,175 km |
| Superficie | 0,03 km² |
| Fondura | |
| Velocidat | |
| Cimas | Pico de Montferrato (3.217 m) |
| Ríos | Gave d'Osso |
.png)  | |
O glaciar de Montferrato (en francés glacier du Montferrat) ye un glaciar d'os Pireneus situau en o macizo de Camachibosa, en a versant norte d'a muga entre Aragón y Francia en o departamento d'os Altos Pireneus y en a rechión d'Occitania.
Cheografía
O glaciar de Montferrato ye un chicot glaciar penchau situau baixo o pico de Montferrato. Ye aniedau sobre una ripera formada por losa calcaria, entre os 2.700 y os 2.850 metros d'altaria. Os lurtes que s'eslibonan d'o glaciar rematan o suyo recorriu 700 metros ta abaixo, en o puesto dito Le Pont de Neige (en aragonés O Puent de Nieu).
As auguas d'o suyo deschele alimentan a gave d'Osso.
Historia
O glaciar de Montferrato ha estau poco estudiau, encara que como ye situau chunto a o glaciar d'Osso, se puet trazar a suya evolución a traviés d'a-saber-las fotos.
Amugau por un escalón rocoso, o glaciar ha evolucionau más en espesor que en largaria. En rematar a chicota Edat de Chelo o glaciar teneba una superficie de 0,05 km² y formaba un impresionant muro de seracs. Os seracs han perdurau dica metat d'os anyos 1980, a partir d'astí o deschele s'ha accelerau ascape. Dende primerías d'a decada de 2020, a suya superficie ye muit dentada y as rocas han iu foratiando o chelo, lo que suchere que o espesor d'o glaciar ye chicot. Ye un glaciar residual ya que a suya superficie actual ye de nomás 0,03 km².