Zelula procariota
De Biquipedia
Este articlo ye escrito con un estilo, grafía, u soluzions idiomaticas (no dialeutals) que no se fan guaire con o contenito cheneral de Biquipedia, e per ixo un usuario capable el ye adotato esprés ta adobar-le ixas formas e reformular-lo, e la fayena de rebisión se troba encara en prozeso.
Ye posible que, per ixo, bi aiga lagunas de contenito u defizienzias de formato. Per fabor, d'antes que no te metas á fer-ie correzions mayors u reescrituras, contauta con él en a suya pachina d'usuario u la pachina de descusión de l'articlo ta poder-ne coordinar a redazión. Per ixe motibo, tampoco no ye guaire recomendable que, en estando l'articlo en fase de reforma, ne prengas garra espresión u soluzión lesica ta enriquir o tuyo bocabulario personal, u que las reproduzcas en altras pachinas de Biquipedia.
A. Bazilos
B. Estreptococos
C. Estafilococos
D. Diplococos
E. Espirilos
F. Bibrions
Se claman procariotas (d'o griego πρό, "pro" = "antis que" y κάρυον, "karion" = Nuclio u zentro.) as zelulas sin de nuclio. Isto ye, totas as que no tienen o suyo ADN aintro d'un compartimento limitato per membranas, sino que ye libre en o zitoplama zelular. En as luengas latinas, es organismos composaus per ista mena de zelulas, que son toz unizelulars, se claman Procariontes, encara que muito á sobent son clamaus también procariotas an que ixo no siga estrictament correuto.
L'alternativa ta ista organizazión zelular ye a zelula eucariota, que fa parte d'es organismos eucarionts, autualment cuaternatos como un solo dominio.
Cuasi sin d'eszepzions, es organismos alazetaus en o sistema d'a zelula procariota son composaus per una sola d'istas zelulas (organismos unizelulars). Á més, o termín procariota fa referenzia ta es organismos aintro de l'antigo dominio Prokaryota (clasificazión autualment obsoleta) que prauticament coinzidiba con o reino d'es Moneras d'as clasificazions de Copeland y Whittaker que, encara que obsoleto, ye encara prou popular. En l'autualidat, es organismos procarionts son trestallaus entre es dominios Archaea y Eubacteria.
Entre as carauteristicas d'as zelulas procariotas, ne b'ha cuantas que las fan diferents d'as eucariotas, per exemplo: o ADN ye espullau, sin l'acompañamiento denso de proteinas que tienen es eucarionts, á més de tener una desposizión en forma de zerclo (o cromosoma procariotico tipico ye zircular). A dibisión zelular gosa fer-se per fisión binaria, sin garra sistema de repartizión d'o material eredable tan complexo como en os eucariotas. Tampoco no tienen organelos membranosos en o zitoplasma, e iste ye formato per només una cabidat sin de trestallos membranosos en o suyo interior.
Una particularidat important en istas zelulas ye a esistenzia d'un espazio periplásmico u periplasma, entre a membrana y a paret exterior que ne ye propia.
O zitoplasma no contiene garra obcheto reconoixible, fueras de bels granulos de resera y bels agregatos moleculars, que se i beyen només con o microscopio eleutronico, tals como es carboxisomas u ribosomas.
Istes organismos gosan tener paret zelular, encara que a composizión d'ista ye muito diferent d'a que tienen es organismos eucarionts, y ye muito relazionata con l'alimentazión d'es microorganismos, que no tienen a capazidat d'incherir particlas como fan muitas zelulas eucariotas (per o mecanismo d'endozitosis) sino que han d'internalizar-las per infiltrazión de dibersas manieras. Ista forma d'alimentazión se conoixe como osmotrofia.
Es metabolismos d'istes organismos son extraordinariament dibersos, mientres que entre es eucarionts gosan estar parellanas, y no en son pocas as espezies (procariotas) que biben en condizions d'extremofilia encara prou sorprendents per temperatura, salinidat u azeteza.
