Wakhi

De Biquipedia
Ir ta: navego, busca
Wakhi
Yakovlev Mirza.jpg
Población total
100.000
Rechions con comunidatz importants
Flag of Afghanistan.svg Afganistán
Flag of Tajikistan.svg Tachiquistán
Flag of Pakistan.svg Pakistán
Flag of the People's Republic of China.svg China
Idiomas
Wakhi
Relichión
Islam

Os wakhi son un grupo etnico que habita en Kuhistoni Badakhshon (Tachiquistán), o districto Wakhan (Afganistán), as rechions de Chitral, Gilgit y Gunza (sector de Gilgit-Baltistán, en a part de Caixmir administrata por Pakistán), y o districto tachico d'a republica autonoma de Xinjiang Uigur en China. Se calcula que pueden estar bells 20.000 individuos en total, uns 7000 en Tachiquistán y Afganistán, 3000 en Pakistán y atros 3000 en China. Charran una luenga irania d'o grupo sudeste y son musulmans xiís ismailís.

Luenga[editar | editar código]

No gosan escribir en lur luenga, y fan servir de luenga escrita o tachico en Tachiquistán, o dari en Afganistán, l'uigur en China y l'urdu y caixmiri en Pakistán. Ni o gobierno chinés ni o gubierno sovietico los reconoixeban como un pueblo diferent d'os tachicos. En a decada de 1930 i habió una prebatina de fer d'o wakhi una luenga escrita en alfabeto latín, pero en 1938 o prochecto fue abandonato. A fins de 1980 se proposó o prochecto de creyar una luenga escrita fendo servir l'alfabeto cirilico.

Habitat[editar | editar código]

Os wakhi viven en chicotz poblatos de 10-50 familias estensas. Os poblatos se construyen en vals u en as costeras d'os monts. A vivienda tipica d'un piso no tien que una cambra. A sola localidat encara gran ye Khandud, centro administrativo de Wakhan.

Modo de vida tradicional[editar | editar código]

A principal ocupación ye o cautivo de cerials y leguminosas en faixas, chunto con a cría d'ovellas, crabas, yaks y vacumen. A dieta d'os wakhi ye preferentment vechetariana con productos lactios. A carne se reserva pa ocasions especials. Os wakhi consumen un té negro con sal y leit.

Se veiga tamién[editar | editar código]

Bibliografía[editar | editar código]

  • Amiram Gonen Diccionario de los pueblos del mundo. 1996 Anaya&Mario Muchnik.