Vindobona

De Biquipedia
Ir ta: navego, busca
Ruinas de Vindobona en a Michaelerplatz de Viena

Vindobona estió una ciudat romana situata chunto a o río Danubio, en l'alta Panonia y correspondient a l'actual ciudat de Viena, capital d'Austria. Orichinalment estió una ciudat celta y baixo dominio román se convirtió en municipio. Mientres un periodo de tiempo se dició Juliobona (Iouliobona). Yera situata a o piet d'o mont Cetius, y estió una d'as prencipals estacions melitars romanas d'o Danubio, y dimpués seu d'a flota d'o Danubio (antis situata en Carnuntum) y d'a Legio X Gemina. O emperador Marco Aurelio morió en a ciudat.

En 395, Vindobona fue saqueata por os chermans, probablement marcomans y encara que fue restaurata, ya estió una base melitar reducita pero que manteniba una base naval.

Fue destruita por o fuego antis de 410. A ciudat se convirtió a o cristianismo por ixas envueltas y os alans y ostrogodos se i establioron, fendo que os soldatos d'a fortaleza fuesen reclutatos entre istos pueblos. En 433 Teodosio II permitió a suya ocupación por os hunnos y ye posible que Atila (Etzel) se casase con Kriemhilda en Vindobona. Poco dimpués del'anyo 500 fue ocupata por os longobardos chunto con a resta de Panonia. En 568 fue ocupata por os avaros que i permaneixioron dica que fuoron redotatos por Carlos Magno.

Vinclos esternos[editar | editar código]