Tubalcaín

De Biquipedia
Ir ta: navego, busca



Tubalcaín u Tubal-Caín
Tubalcaín, en a suya forga. Tapiz en o Museu de Cluny.
Tubalcaín, en a suya forga. Tapiz en o Museu de Cluny.
Información personal
Ocupación: Ferrero
Personache biblico. Fundador mitolochico de Tarazona

Tubalcaín u Tubal-Caín ye o nombre d'un personache nombrau en a Biblia. Descendient de Caín, ye o fillo de Lamec y Zillah, a suya segunda muller. Ye amás chermán de Naamá. Simboliza, de conchunta con su pai, su mai, a suya madrastra y sus chirmans, o progreso y l'abance cultural. Tubalcaín, en concreto, representa a metalurchia.

Se diz que estió ell qui establió a ciudat de Tarazona, en l'actual provincia de Zaragoza. En o escudo d'a ciudat asinas se reflecta. Tamién se i diz que dimpués estió reestablida por Hercules. Hue, un Instituto d'Amostranza Secundaria de Tarazona tien o nombre d'iste personache mitolochico.

Ocupación[editar | editar código]

En o Chenesi 4:22, seguntes as traduccions, se diz que Tubalcaín estió o "forgador de toda mena de ferramientas de bronze u fierro”. Por ixo se gosa considerar que yera ferrero. Atros autors consideran que o treballo de Tubalcaín yera relacionau con a fabricación d'armas de guerra. En As antigüidatz d'os Chudíos, Flavio Chusefo diz que "Tubal superaba a totz os hombres en fuerza, y yera muit expierto y famoso en fer espectaclos marcials... y mas que mas inventó l'arte de treballar o latón”. Atros autors como E.E. Kelleth sochieren que Tubalcaín podría haber estau un menero [1]

Tubalcaín en a suya forga

Confusions[editar | editar código]

Tubalcaín no ye brenca relacionau con Tubal, fillo de Jafet y nieto de Noé, considerau mitolochicament como pai d'os ibers y como o suyo primer rei.

Referencias[editar | editar código]

  1. E. E. Kellett. "Some Old Testament Notes and Queries", Expository Times, 33, 1922, p. 426.

Bibliografía[editar | editar código]

  • Cassin, Elena; Bottéro, Jean; Vercoutter, Jean. Historia Universal. Siglo XXI. Vol. 4 Los Imperios del Antiguo Oriente, III. La primera mitad del primer milenio. Primera edición en Castellano, 1971. México, Argentina, España. P. 6 Mapa de Tabales. P. 16 Los tabales. P. 24 Mushki.
  • Diccionario de la Biblia. Herder 2005. H.Haag/A.Vanden Born/Fr.Serafín Ausejo.1ed., pags. 1,221 y 1,972 Mesek y Tubal. Los Escitas pag. 583. ISBN 9788425400773

Vinclos externos[editar | editar código]

Commons-logo.svg
Se veigan as imáchens de Commons sobre Tubalcaín.