Shiatsu

De Biquipedia
Ir ta: navego, busca

O Shiatsu ye un metodo d'estregas por presión con os didos y o palpiello d'a man, que combate o desequilibrio d'o cuerpo y o espirito y amillora a salut d'as presonas plegando a curar qualques malotías concretas seguntes os suyos seguidors. A suya etimolochía ye shi (dido) y atsu (presión) encara que o primer nombre que tenió estió Appaku.

Ye una tecnica d'aplicación d'a medicina tradicional chinesa y sigue os mesmos principios d'enerchía y de meridianos que l'acupresión. O potencial terapeutico d'o Shiatsu estió redescubierto en Chapón a l'empezallo d'o sieglo XIX y estió mesmament o chaponés Tamai Tempaku qui fació a tecnica actual d'o Shiatsu tot combinando as trazas tradicionals y es conoiximientos fisiolochicos y anatomicos d'a medicina occidental.

L'alazet d'o Shiatsu ye a noción d'a enerchía vital (a suya etimolochía ye Qui en chinés o Ki en chaponés). Esta enerchía circula en o cuerpo por meyo de meridianos u canals d'enerchía en os que se i puede actuar sobre puntos precisos, (punto de acupuntura o Tsubo) ta desbloqueyar o fluxo d'enerchía u amillorar-lo si ye feble u floixo. L'obchectivo d'o Shiatsu ye re-equilibrar o fluxo d'enerchía vital en o nuestro cuerpo y asina rebaixar a matra de muitas malotías.

Qui gosa practicar esta dichitopresión intuitiva lo primero que fa ye un diagnostico u hara ta identificar con a punta d'os didos suyos os circuitos "lasos" d'a suya enerchía a causa de qualques malotías. Este diagnostico empecipia siempre por a pancha. Dimpués fa una presión a esprés sobre os diferents puntos que calga controlar ta recargar a enerchía que no i ese en os meridianos.

A tecnica terapeutica ye diferent seguntes qui la faya, qualcuns que practican Shiatsu triballan os Tsubos u puntos especificos, como en l'acupresión china o Shen-tao, en i hai bell atro que emplega estregas chenerals ta estimular os meridianos. A esencia d'o Shiatsu ye "Diagnostico y Terapia combinada".

A caracteristica d'o Shiatsu, ye aplicar presión emplegando nomás que os didos, palpiellos d'a más y más que más os didos grans sobre os puntos relacionaus con o sistema niervoso central y autonomo. I hai canals d'acupuntura en os brazos y as garras, y se considera que un tractamiento de Shiatsu cal que cumpla estos obchectivos:

  • Tractamiento holistico: fer un tractamiento en tot o cuerpo.
  • Sensibilidat d'o terapeuta: o terapeuta ha d'estar sensible a la distribución d'a enerchía d'o cuerpo.
  • Proporcionar una dimensión extra de conexión y de refirme (emplegando as dos mans, de tal traza que la una ascuita y l'atra fa).
  • O Shiatsu fa honra ta tornar a vitalidat d'o cuerpo, aduya a regular o sistema hormonal, a circulación d'a sangre y d'o liquido limfatico, ta desfer-se d'os repuis u ixallos y baixar a tensión muscular. Permite tamién rebaixar o estrés, l'insomnio y asola as estrucias de cadagún ta estar capable d'auto-sanación.