Rebasto
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O rebasto[1] ye la segunda siega que se puede fer con l'alfalz en l'anyada, de regular en agüerro; o segundo dalle (o «redallo») una vez que s'ha dallau a hierba de primavera-verano. L'acción de segar a rebasto se diz «redallar», con que o rebasto «se redalla» pa plegar-lo.
Se produce con os tronchos de rebrote que fa la planta por debaixo d'os tanos an s'ha dallau antes. A hierba que se quita asinas ye menos fina, mas basta, porque puede lievar mezclaus os lastons secos d'a primer alfalz.
O rebasto medra seguntes si pleve en o verano u no, con que en os anyos de sequera la cullita de rebasto ye menos. A plega de rebasto pende a-saber-lo con as precipitacions estivals.
En a val de Chistau le dicen «rebaster» u «rebastero»[2] a o ganau que se queda en o lugar en hibierno, paixentando-se en a demba de campos d'alfalz arredol d'a población entre la estación fría.
Se veiga tamién[editar | modificar o codigo]
Referencias[editar | modificar o codigo]
- ↑ TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
- ↑ BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0