Organo (biolochía)

De Biquipedia
Ir ta: navego, busca
Este articlo ye sobre un organo biolochico; pa atros usos d'a parola organo, vaiga ta organo (desambigación).
O corazón (ilustración d'Hugo Heikenwaelder) ye un organo de l'aparato circulatorio.

On organo ye en biolochía una estructura formada por a unión d'uns teixius que realizan una función común[1] dita "acto". Os organos son presents en a mes gran part d'os metazous y en as metafitas.

En os animals os organos fan part de sistemas y aparatos. En os sistemas os organos presentan un mesmo tipo de teixiu predominant y son totz parellanos. En os aparatos os organos presentan diferents tipos de teixius y pueden estar prou diferents.

En as plantas os organos se clasifican en vechetativos (radiz, tallo, fuella), y reproductivos (flor, simient, fruito, pinya).

Etimolochía[editar | editar código]

A parola organo tien en aragonés o significau tradicional d'o instrumento musical homonimo y deriva d'o latín organum, que significa instrumento. Ye un helenismo adaptau dende a parola organon, instrumento musical u organo d'o cuerpo. Esta parola griega ye relacionada con ergon, "treballo".[2]

Aristótil feba servir esta parola en a suya obra tanto pa describir organos de plantas como pa organos d'animals, y tamién pa describir partz abstractas interconectadas en un conchunto, (como as suyas obras filosoficas (dende una anvista d'a obra global), son mencionadas como organon). En a traducción herediana de "Secreta secretorum" veyemos este uso:

por q(ue) el beuer del agua calient enel uerano amolleçe et aflaquexe el stomago et destruye el apetit. El beuer del agua fria enel yuierno mata la calor et destruye los organos delos peytos et e(n)pacha el polmon et engendra muytos danyos.

Referencias[editar | editar código]

  1. (en) Widmaier EP, Raff H, and Strang KT Vander's Human Physiology, McGraw-Hill, 2003. isbn = 978-0071283663
  2. (en) Barnhart's Concise Dictionary of Etymology

Veyer tamién[editar | editar código]