Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
A primera conchugación en aragonés provién d'a primera conchugación latina tardana (verbos en -ĀRE) y ye a conchugación mes productiva d'as tres.
A part de verbos que ya yeran d'a primera conchugación latina, bi ha verbos feitos a partir d'o participio de pasau latín. Dende o participio pasau REFUSUS d'o verbo REFUNDERE tenemos en aragonés y atras luengas latinas refusar. Dende o participio pasau FARTUS d'o verbo FARCIRE tenemos fartar[1].
Tamién bi ha verbos d'orichen chermanico (gotico u francico), con terminacions -ON u -AN en as luengas d'orichen (espiar, guardar, robar y galopar[1]), y d'orichen arabe (afalagar).
