Porrón

De Biquipedia
Ir ta: navego, busca
Un porrón de vino.

O porrón ye un recipient de vidre que s'emplega ta contener y administrar una bebida, muit freqüentment vino, que se bebe directament prochectando en a boca un churro que amaneix por o pitón quan o recipient s'inclina. Se considera un recipient tipico d'Aragón y Catalunya que ha difundiu dica atras rechions a posteriori.

Caracteristicament, o porrón ye un recipient de forma troncoconica con canyos largos que rematan en aperturas. Por la una, a mas alta y ampla (que se conoix como «respirador» u «respiradero»), penetra l'aire con libertat y permite que o porrón se vuede por l'atra quan s'inclina, privando que se produzca garra fenomén de retención por vuedo. L'atra ye o «pitón» u «pichera», ye a on remata un canyo de forma conica, y ye por a on brinca o liquido.

Ta beber, o porrón se subchecta por o respiradero con una man y s'alza adebant de a cara y mas alto que a cabeza. Alavetz, s'aboca con a pichera mirando t'a boca d'o bebedor y quan o churro escomienza a manar (a «pichar», que se diz) s'afina ta fer-lo coincidir con a boca. Ista forma de beber tipica de porrons y botas se diz «beber a galet» u «a gargalet». As primeras vegadas que se fa marchar un porrón ye recomendable tener una servilleta aman, pus no ye fácil fer-se la cuenta d'a on cairá o churro dica que se'n tiene bella experiencia.

Fendo pichar o porrón.

A forma de beber d'un porrón resulta mas hichienica que muitas atras, pus o recipient nunca no gosa entrar en contacto con a boca d'o comensal. Por ixo, ye un instrumento especialment útil en as celebracions y as chentas populars, con as quals s'asocia la suya imáchen.

Se veiga tamién[editar | editar código]

Vinclos externos[editar | editar código]