Planta anyal

As tomateras son un exemplo de plantas anyals, pus mueren dimpués de fer fruito en a mesma anyada quan cherminón.

Una planta anyal ye una especie de planta que chermina, fa flor y muere en un mesmo anyo u anyada. As plantas anyals no pueden vivir mas d'una anyada si no se priva que faigan flor, estando a florada o succeso definitivo que da paso a la senectut de l'organismo.

O termino s'emplega por contraposición con o de planta bianyal y o de planta perén. Bellas especies domesticas se cautivan como si estasen plantas anyals sin d'estar-ne, pus s'aprofitan as estructuras de resistencia que producen quan remata a estación de creiximiento.

Son exemplos de plantas verdaderament anyals que se cautiva: a trunfa, a chudiga, a faba u a ensalada. Son exemplos de plantas bianyals que se cautiva como anyals a cebolla, l'allo, a carota, l'apio y o pereixil.

Se veiga tamién

• Planta bianyal
• Planta perén

Vinclos externos

• Se veigan as imáchens de Commons sobre plantas anyals.