Pársec
De Biquipedia
O pársec u parsec (símbolo pc) ye una unidat de longaria emplegada en astronomía. O suyo nombre se deriba de l'anglés parallax of one arc second (paralache d'un segundo d'arco).
En sentiu estricto pársec se define como a distanzia á la que una unidat astronomica (UA) soztiende un anglo d'un segundo d'arco (1"). Cheneralizando, una estrela dista un pársec si o suyo paralache ye igual á 1 segundo d'arco.
D'a definizión resulta que:
Contenius |
[editar] Definizión d'o pársec
A separazión basica que fan serbir os astronomos ta determinar o paralache d'as estrelas ye o radio d'a orbita d'a Tierra. O paralache se mide en segundos d'arco (60 segundos d'arco = 1 menuto d'arco; 60 menutos d'arco = 1 grau). Se basa en o metodo d'o paralache trigonometrico, o más biello y más estendiu ta determinar a distanzia t'as estrelas.
O pársec ye una distanzia relatiba á la unidat astronomica, y por ixo, se relaziona con a tanchent de l'anglo en P (se beiga o diagrama). Manimenos, como π (se leiga pi) gosa estar un anglo muit chicot, d'a orden de una milesima d'un segundo d'arco, se comportará como una funzión linial de proporzionalidat imbersa respeuto á Δ (se leiga delta). Ye dezir, cuan Δ se fa dople, π se fa a metat, pero si Δ ye a metat, π será o dople, y asinas asinas, de trazas que a relazión entre a distanzia y o paralache se torna muit simpla:
en do 
ye a distanzia en pársecs, y 
o paralache en segundos d'arco. Cuan s'ha mediu o paralache d'una estrela, nomás cal calcular o suyo imberso ta otener a suya distanzia en pársecs.
Tamién se puet definir o pársec como a distanzia á la que dos obchetos, deseparaus por 1 unidat astronomica (UA), pareixen estar deseparaus por un anglo d'un 1 segundo d'arco.
Asinas, tenemos:
360·60·60/2π UA ≈ 2,06·105 UA ≈ 3,09·1016m ≈ 3,26 años luz.
Seguntes a recomendazión d'a Unión Astronomica Internazional[1] 1 pc = 
m
[editar] Distanzias en pársecs
Os multiples d'o pársec más emplegaus son:
- kiloparsec (kpc). Mil parsecs; 3260 años luz.
- megaparsec (Mpc). Un millón de pársecs. Distanzia equibalent á bels 3,26 millons de años luz.
Exemplos de distanzias en pársecs:
- A estrela más amanada t'o Sistema Solar ye Proxima Centauri y tien un paralache de 0,76 segundos d'arco. Alabez se troba á 1,31 pársecs, u 4,28 años-luz.
- O zentro d'a nuestra galacsia, a Vía Láctea, se troba á 8,5 kilopársecs, ye dezir, á 8500 pársecs: arredol de 30 000 años-luz.
- A galaxia d'Andrómeda se troba á 0,7 megapársecs, ye dezir, 700 000 pársecs, u más de 2 millons de años-luz.
- O Cumulo de Virgo se troba á bels 18 Mpc (18 megapársecs) de nusatros.
[editar] Se beiga tamién
[editar] Referenzias
- ↑ Recommendations concerning Units; IAU: http://www.iau.org/Units.234.0.html
