Organizazión Mundial d'o Comerzio

De Biquipedia

A Organizazión Mundial d'o Comerzio (OMC) ye una organizazión internazional que superbisa os alcuerdos comerzials que definenen os "regles d'o comerzio" entre os suyos estatos miembros. A OMC ye o suzesor de l'Alcuerdo Cheneral de Tarifas e Comerzio (GATT, por as suyas sieglas en anglés) e tien como proposito reduzir u eliminar de raso as barreras internazionals á lo comerzio.

A seu d'a OMC se troba en Chinebra, Suiza. O 13 de mayo de 2005, Pascal Lamy estió esleito como director cheneral. O 19 d'agosto de 2005 l'OMC teneba 148 estatos miembros. Toz os miembros d'a OMC han de conzeder-se os uns á los atros o estatus de nazión faborexita, ta que (con eszeuzions) as conzesions comerzials que un miembro da á un atro, sían conzeditas á toz os miembros d'a organizazión.

[editar] Orichens

A OMC fue establita o 1 de chinero de 1995 ta sustituyir á l'Alcuerdo Cheneral de Tarifas e Comerzio (GATT), que yera en reyalidat un conchunto de tratatos internazionals sinnatos luego d'a Segunda Guerra Mundial ta fazilitar o libre comerzio entre as nazions. Os prenzipios e alcuerdos d'o GATT fuoron adotatos por a OMC, que rezibió la comanda d'enanplar-los. Á esferenzia d'o suyo predezesor o GATT, a OMC sí que en tien una estrutura instituzional.

Á más, a OMC ye a suzesora d'a prebista y mai establita Organizazión Internazional de Comerzio, que tenerba que sustituyir á o GATT. A Conferenzia de Comerzio e Ocupazión de L'Abana (Cuba) de marzo de 1948 eba alcordato a creyazión d'a Organizazión Internazional de Comerzio, encara que ista popuesta fue bloqueyata por o Senato estatounitense.

[editar] Enrastres esternos

• Se beigan as imachens de Commons sobre WTO.
• Pachina web ofizial d'a Organizazión Mundial d'o Comerzio.