Nueva Anglaterra

De Biquipedia
Ir ta: navego, busca
Nueva Anglaterra
New England
Rechión de Estatos Unitos
New England pine flag.svg Escudo de  Nueva Anglaterra
Bandera Escudo
Map of USA New England.svg
Nueva Anglaterra en Estatos Unitos
Ciudat mas poblata Boston
Idioma oficial
 • Atros idiomas
Anglés
Francés
Entidat
 • Estato
Rechión
Flag of the United States.svg Estatos Unitos
Subdivisions Connecticut, Maine, Massachusetts, Nueva Hampshire, Rhode Island y Vermont
Superficie
 • Total

181.440 km²
Población
 • Total
 • Densidat

14.239.724 hab. (2006)
76.7 hab/km²

Nueva Anglaterra (New England, en anglés) ye una rechión d'os Estatos Unitos localizata en o estremo noreste d'o país. Muga con Canadá por o norte, l'ocián Atlantico por l'este y por o sud, y o estato de Nueva York por l'ueste. Encluye, en orden orografico de noreste a sudueste, os seis estatos de Maine, Nueva Hampshire, Vermont, Massachusetts, Rhode Island y Connecticut. Nueva Anglaterra no ye una división administrativa d'os Estatos Unitos, sino una rechión cultural y historica. En os Estatos Unitos, o termin yankee se fa servir ta referir-se a la chent de Nueva Anglaterra, ya sía de forma descriptiva coloquial u ta fer-les a mofla, mientres que en Nueva Anglaterra o mesmo termin s'emplegaba d'antis mas ta referir-se a os descendients dreitos d'os colonos orichinals angleses.

Agüerro en Nueva Anglaterra, "fall foliage" en Massachusetts

Ye a rechión d'os Estatos Unitos con mayor nivel economico (47.100$ de renda por habitant) y calidat de vida. Tamién ye a rechión con mayor proximidat cultural a Europa (conserva orgullosament costumbres y tradicions dende os sieglos XVII-XVIII) y con un mayor ran cultural y educativo (seu d'os prestichiosos centros educativos de Harvard, Boston College, o Instituto Tecnolochico de Massachusetts, Brown University y Yale, entre atros). Tamién ye seu de centros de veraneyo reputatos y asobén elitistas (New Haven en Connecticut, Newport en Rhode Island, Portsmouth en Nueva Hampshire, totz ells en a costa), como tamién atros centros de torismo y veraneyo menos elitistas como as islas de Martha's Vineyard y Nantucket, y centros mas populars como a peninsula de Cape Cod, a mayoría d'a costa de Maine y a mayoría d'a costa de Massachusetts, y centros de torismo d'agüerro (ta veyer o espectaclo d'as fuellas de colors, fenomeno dito en anglés "fall foliage") y d'hibierno, d'esquí, en os monts Apalaches a l'ueste d'a rechión. Nueva Anglaterra tien un 4,7% d'a población d'os Estatos Unitos (14,3 millons d'habitants), pero aporta o 5,5% d'o PNB nacional.

Boston, con bells 600.000 habitants (5,8 millons en a suya aria metropolitana) ye o centro cultural ("capital cultural" d'os Estatos Unitos) y industrial mas important d'a zona, asinas como a ciudat gran mas antiga d'os Estatos Unitos. A rechión de Nueva Anglaterra ye poblata mas que mas (arredol d'un 90%) por anglosaxons descendients d'europeus (bi ha una destacata minoria francofona en Maine y Nueva Hampshire). Destaca politicament por o suyo carácter progresista, estando un "feudo" d'o progresismo y d'o Partito Democrata.

Orichinalment, Nueva Anglaterra nomás yera formata por as colonias anglesas de Connecticut, Massachusetts, Nueva Hampshire y Rhode Island, pero dimpués d'un tiempo se subdividioron os territorios y hue a rechión entera encluye os estatos de Connecticut, Maine, Massachusetts, Nueva Hampshire, Rhode Island y Vermont.

Se veiga tamién[editar | editar código]