Morrena

De Biquipedia
Ir ta: navego, busca
Morrenas laterals bien visibles por lo retacule de la Chelera de Surlej (Engiadina, Suiza).

Una morrena ye un conchunto de materials de diferents midas que transporta una chelera y sedimenta a on se funde. Son materials que cayen en la chelera u que son erosionaus por ell en las marguins u en lo substrato. Lo concepto de morrena se solapa con lo concepto sedimentolochico de till, pero "morrena" ye un termin cheomorfolochico que se refiere a la forma de releu feita de sedimentos glacials u till.

D'alcuerdo con la suya posición con respecto a la chelera se parla de diferents clases de morrenas:

  • Morrenas laterals: materials que cayen dende las paretz de la val con forma d'U a los cabos de la chelera de val y tamién de materials que la chelera erosiona en las suyas marguins.
  • Morrenas centrals: se forman por unión de dos morrenas laterals de dos cheleras de val que confluye en un forcallo.
  • Morrenas de fondón: materials que leva la chelera arrocegando-se por lo fondón.
  • Morrenas frontals: se presentan en la zona d'ablación a on se funde la chelera y sedimentan totz los materials que levaba, presentando continuidat con las atras morrenas.

Morrenas en los Pireneus[editar | editar código]

En los Pireneus bi ha morrenas de la zaguera glaciación u Würm y morrenas de la chicota edat de chelo. Las primeras se distribuyen dende lo Pireneu axial dica la linia Biescas-Castillón de Sos en lo Prepirineu interior mientres que las segundas se troban en las partz mes altas de las vals pirenencas, sobre tot en lo Pireneu axial.

Bi ha cheleras würmienses en a redolada de Biescas, con la bien conservada morrena frontal de Senegüé. Los arcos morrenicos que bi ha entre Villanuga y Castiello de Chaca ilustran lo retacule d'una chelera de val dimpués de lo maximo glacial.

Las cheleras posteriors a la gran desglaciación de l'holocén conoixioron una expansión mientres la chicota edat de chelo, quan se facioron morrenas frontals que amuestran las midas que plegoron a tener.[1]. Actualment estas cheleras son en proceso de desaparición abanzata. Son eixemplos destacables de morrenas pirenencas de la chicota edat de chelo:

  • Un arco morrenico de la chelera de Creuenya.
  • Una morrena frontal de la chelera de Literola.
  • Morrenas de las cheleras de Tempestades y Barrancs dichós los picos Aneto, Espalda y Tempestades.
  • Una morrena en Bardamina correspondient a una chelera desapareixida.

Referencias[editar | editar código]

  1. Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2006 177-183.

Bibliografía[editar | editar código]