León III de Bizancio

De Biquipedia
Ir ta: navego, busca
León III
Emperador d'o Imperio Bizantín
Solidus-Leo III and Constantine V-sb1504.jpg
Solido de León III

717 - 741
Predecesor Teodosio III
Succesor Constantín V

Naixencia 685
Muerte 18 de chunio de 741

León III o Isauro estió emperador d'o Imperio Bizantín dende o 25 de marzo de 717 dica la suya muerte o 18 de chunio de 741. Ye naixito en 685 de Germanikeia (actual Kahramanmaraş). O "Libro d'os Emperadors" encomienza con o suyo mandato:

Aprés la muert de Theodosio, emperador de Grecia, clamado por sobrenombre Atramitino (troz tallato) e Isauro por su terra, el cual los sus parientes le metieron nombre Conon. Aquesti Leo fue de vil linatge e muit pobre: e él viviendo con su sudor e treballo, partiose de Isauria con toda su companyía e vinose'nde a Mesinvría en el tempo de Justiniano, tío del primer Justiniano, no del secundo, e él trobó allí grant recebimiento de algunos nobles ciudadanos, e de poco en poco fue puyado en honor, e aprés por occasión de algunos trobó del emperador grant honor. Finalment como a Dios plazió, fue emperador Tirano de Grecia, assí como se conta en su historia

Venció a los arabes que asitiaban Costantinoble en os anyos 717-718. Tenió relativament buenas relacions con os khazaros y bulgaros y ixampló y milloró o rechimen de Themas, puyando-ne o numero y fendo-los de menor mida. En l'anyo 726 promulgó a Eclogué, una compilación legal.

Con León III encomienza a controversia iconoclasta, en l'anyo 726. En Italia os papas Gregorio II y Gregorio III en a quistión d'o culto a las santas imachens condució a una baralla con o emperador. Gregorio III aplegó bells concilios en Roma pa anatemizar y excomulgar a los iconoclastas en os anyos 730 y 732. O emperador León se tornó transferindo o sud d'Italia y Grecia d'a churisdicción papal a la d'o patriarca de Costantinoble. A baralla se tradució tamién en un alzamiento armato en o Exarcato de Rávena (727). Os subditos d'o sud d'Italia incomplioron os suyos edictos relichiosos y la provincia de Ravena s'esgalló d'o Imperio.

En o "Libro d'el Trasoro" en parlan breument:

E asi fueron todos los emperadores todos tiempos los vnos enpos los otros, vnas veces buenos e otros malos, e tenjan la vn imperio e la otro, entro al tiempo del Leon enperador e Constantin su fillo.
Aquest emperador tomo los mayores de las eglesias de Roma e los ne leuo en Constantinoble, e en despeyto del apostolico el las fizo cremar en fuego.


Predecesor:
Teodosio III
Emperador d'o Imperio bizantín
717-741
Succesor:
Constantín V


Bibliografía[editar | editar código]