L'Ametlla de Mar

L'Ametlla de Mar
Municipio de Catalunya
Puerto de l'Ametlla.
Entidat  • Estato  • Comunidat  • Provincia  • Comarca	Municipio Espanya  Catalunya Tarragona Baix Ebre
Superficie	66,87 km²
Población  • Total	7.594 hab. (2010)
Altaria	19 m.
Codigo postal	43860
Chentilicio	calero/a
Coordenatas
L'Ametlla de Mar Situación de L'Ametlla de Mar en Catalunya
www.ametllamar.es

L'Ametlla de Mar, clamata tamién la Cala, ye un municipio d'a comarca d'o Baix Ebre en Catalunya.

Historia

Realment bi ha pocos datos decumentals d'os primers nuclios de población de l'Ametlla de Mar dica o sieglo XVIII, quan —debito a lo empente de población de Carlos III— surtió lo lugar muderno como nuclio pescador adintro d'o municipio d'el Perelló.

Coincidindo con l'arribata de pescadors valencians a lo lugar (diversas fuents citan como procedencia Benidorm y o Grau de Valencia), l'Ametlla estió creixendo con zifras importants mientres o sieglo XIX y conseguió prencipiar o sieglo XX con 2.500 habitants.

Os anyos trenta estioron malos ta os habitants d'o lugar. Se producioron importants movimientos migratorios enta Palamós y, en menor meda, enta Roses. Istos movimientos se concentroron dende a postguerra civil dica o decenio d'os sisanta, en a quala corrients d'immigrants y toristas transformoron os nuclios de población d'o lugar.

Situación

Situación de L'Ametlla de Mar en o Baixo Ebro.

Ye situata en a zona costera entre o cabo de Terme a lo norte y o barranco de l'Àliga a lo sud. Muga a lo sud con o termin d'el Perelló, a lo norueste con o de Tivissa (Ribera d'Ebro) y a lo noreste con o de Vandellòs i l'Hospitalet de l'Infant (Baixo Campo).

Por os 14 km de costa que s'estendilla o termin municipal de l'Ametlla de Mar bi ha diferents nuclios dispersos de población (de norte ta sud, por a costa):

• Calafat.
• Sant Jordi d'Alfama.
• Les Tres Cales.
• L'Ametlla de Mar (nuclio urbán).
• Roques Daurades (d'antis más Roques Dorades).

Economía

A pesca contina estando una d'as prencipals actividatz d'o lugar. O puerto de l'Ametlla ha una ampla flota de barcos que s'adedican a las artes de l'arrocegue, l'encletamient, o tresmallo, ecetra, y que tamién ha la primera flota d'atoniners de Catalunya.

L'atra actividat important economicament d'o lugar ye o torismo y o sector servicios, que empentan, de conchunta, a creyación de nuevos establimientos locals ta dar un millor servicio a totz os toristas de l'Ametlla de Mar.

Demografía

Evolución demografica

1497 f 1515 f 1553 f 1717 1787 1857 1877 1887 1900 - - - - - - - - 2.537

1910 1920 1930 1940 1950 1960 1970 1981 1990 2.802 3.022 3.083 3.017 3.056 2.954 3.595 3.750 4.336

1992 1994 1996 1998 2000 2002 2004 2006 2008 4.209 4.367 4.341 4.537 4.946 5.211 6.032 6.744 - 2009 2010 2011 2012 2013 2014 2015 2016 - - - - - - - - - -

1717-1981: población de feito; 1990- : población de dreito

Administración

Alcaldes

Lista d'alcaldes

Lechislatura	Nombre	Partito politico
1979–1983	Pere Margalef i Vendrell	Convergència i Unió
1983–1987	Pere Margalef i Vendrell	Convergència i Unió
1987–1991	Pere Margalef i Vendrell	Convergència i Unió
1991–1995	Joan Font i Ballesteros / Pere Margalef i Vendrell	Partido Popular / Convergència i Unió
1995–1999	Joan Font i Ballesteros	Partido Popular
1999–2003	Antonio Espuny i Gaseni	Partit dels Socialistes de Catalunya
2003–2007	Andreu Martí i Garcia	Convergència i Unió
2007–2011	Andreu Martí i Garcia	Convergència i Unió

Actividatz

Fiestas locals:

• O 2 de febrero, a Mai de Dios d'a Candelera, patrona d'o lugar. Se fan bells actos mientres unos quatro días de contenito cultural, esportivo y relichioso.
• O 29 de chunio, Sant Pere, patrón d'os pescadors. Se da una gambada a lo patrón en una embarcación trigata y se realizan diversas exposicions.
• O 29 de mayo, Corpus. Se decoran as carreras con elementos naturals.
• A Diada a lo castiello de Sant Chorche (Sant Jordi d'Alfama). Se realizan actividatz de tipo esportivo y gastronomico; sardinada popular, concursos de paellas y diversos torneyos de futbol placha y boleibol.
• O primer cabo de semana d'Abril, a Feria Alternativa y de Productos Naturals, acompanyata d'a Muestra d'oficios antigos. A tradición ye celebrar-la en a Plaza Nueva (Plaça Nova).

Esportes:

• Diada d'a bicicleta. S'organiza l'1 de mayo, y os participants realizan o trazato L'Ametlla de Mar - Mas Platé en bicicleta, escoltatos por as autoridatz. Astí se fan diversas competicions y chuegos esportivos infantils y botifarrata y sardinas ta os más grans.
• Fútbol. Cada cabo de semana, en a nueva zona esportiva se chugan diferents partitos de futbol de todas as categorías que organiza o Patronato Municipal d'Esportes y a SCER Ametlla de Mar.
• Remo. Anque encara ye una d'as nuevas seccions d'o Patronato, ya compite en a liga catalana con dos tripulacions masculinas y una atra femenina.

Servicios

Servicios educativos:

• IES Mare de Déu de la Candelera
• Centro Infantil Xerinola
• CEIP Sant Jordi
• Escuela de Capacitación Nauticopesquera de Catalunya

Servicios sanitarios y de seguridat ciudadana:

• CAP Ametlla de Mar
• Bombers
• Policía Local
• Guardia Civil

Servicios d'ocio y cultura:

• Club Nautico (225 amarres de capacidat)
• Biblioteca Municipal Dr.Frías
• Sala SCER (Polivalent)
• Sala d'exposicions d'arte
• Telecentro (C/Pau Casals, 74 Tel. 977 45 72 69)
• Circuito de Calafat (motor)
• Zona esportiva municipal (campo de fútbol, tenis, piscina (en construcción) y pista poliesportiva (en construcción))

Comunicacions

Se puede arribar a l'Ametlla de Mar por:

• L'autopista AP-7 (Sortida 39)
• A carretera N-340
• A linia ferroviaria Barcelona-Valencia (Renfe)
• Por mar: Club Nautico L'Ametlla de Mar (977457240), Puerto de Calafat (977486181), Puerto Esportivo de Sant Jordi d'Alfama (977486189)

Vinclos externos

Webs oficials

• Concello
• Patronato de Torismo
• Servicios d'o Concello

Webs d'organismos y/u asociacions oficials

• IES Mare de Déu de la Candelera
• Patronato Municipal d'Esportes

Webs personals con información intresant

• L'Ametlla de Mar (La Cala)