Conestable

Constable (d'o latín comes stabulii, "conte d'os establos") yera una alta dignidat d'os reinos meyevals. Seguntes o país teneba un papel un diferent. En cheneral se puet dicir que comandaba o exercito y mediaba en os problemas entre os caballers y nobles, a traviés d'un tribunal especial, como a Court of Chivalry en Anglaterra u a churisdicción d'o Point d'honneur en Francia. A vegatas yera tamién un poder de policía. O conestable yera asistito por un o más Mariscals.

O conestable en a Corona d'Aragon

A dignidat de "Gran Conestable" d'a Corona d'Aragón perteneixió a la familia de Cardona, enantes d'ester confiscato por a monarquía en o sieglo XVI. A dignidat de Conestable d'o Reino de Aragón yera hereditaria en a familia d'os Duques d'Ixar, y pasó a los Fitzjames, duques de Berwick, que encara levan este títol.

O conestable en o Reino de Navarra

A dignidat de Conestable s'adhibió a lo títol de Conte de Lerín, que pasó d'a familia Beaumont a la familia Álvarez de Toledo, duques d'Alba, alavez a la familia Silva, contes de Galve y a la familia Fitzjames, duques de Berwick, que encara levan este títol.

O conestable en o Reino d'Armenia la Chica

En "La Flor de las Ystorias d'Orient" parlan d'o conestable Sinbatac, un presonache muito celebre en a historia d'ixe reino:

...venir su hermano mesir Sinbatac, conestable del regno de Erminia, et enuio lo hi. El dicho conestable fue al se-..

Apres que el conestable fue tornado et huuo contado a su hermano el rey de Erminia lo que el auia fecho, et lo que el auia..