Henryk Sienkiewicz

De Biquipedia
Ir ta: navego, busca
Henryk Sienkiewicz Nobel de Literatura
Henryk Sienkiewicz.
Henryk Sienkiewicz.
Información personal
Calendata de naixencia: 5 de mayo de 1846
Puesto de naixencia: Merchant ensign of Vistula ships of Congress Poland.svg Wola Okrzejska (Reino d'o Congreso)
Calendata de muerte: 15 de noviembre de 1916)
Puesto de muerte: Flag of Switzerland.svg Vevey (Suiza)
Ocupación: Escritor y novelista

Henryk Sienkiewicz (n. Wola Okrzejska, Polonia, 5 de mayo de 1846 - † Vevey, Suiza, 15 de noviembre de 1916). Escritor y novelista polaco, Premio Nobel de Literatura en 1905.

Empecipió como periodista en 1869, reyalizando quantos viaches entre 1876 y 1879, treballando en os Estatos Unitos como ninviato especial entre 1876 y 1878. En 1882 fue nombrato director d'o periodico conservador Slowo. Estando ya un prestichioso periodista y gran esfensor d'a causa de Polonia, ninvió una carta ubierta a Guillén II, emperador d'Alemanya en a que s'oposaba a la chermanización d'a Posnania y con a que atrayó a ficacio mundial sobre o esdevenidero d'o suyo país. En os prencipios d'a Primera Guerra Mundial, se trobaba en Suiza, an formó, chunto con Paderewski, o comité t'as victimas d'a guerra en Polonia.

Especializato en temas socials, estió muit popular en o suyo tiempo, anque agora ye apenas leyito. As suyas obras más importans se tratan os poblemas socials d'os campesins y os sectors baixos en Polonia. Consiguió una gran fama con a publicación d'a suya trilochía sobre a luita polaca frent a las invasions rusas, suecas y turcas d'o sieglo XVII: A sangre y fuego (1884), A inundación (1886), y O sinyor Michael (1888). Son tamién muit remeratas O sinyor Wolodyjowski (1888), Sin dogma (1891), A familia Polanieski (1894) y Os cruzatos (1900).

Tamién son conoixitos os suyos relatos: Dengún ye profeta en a suya tierra (1872), Bocetos a lo carbón (1880); y as suyas novelas curtas Bartek o vencedor (1882), O torrero (1880) y Sachem (1889).

Atra d'as suyas novelas ye O diluvio.

A suya novela más famosa hue en día ye Quo Vadis, levata muitas vegatas a lo cine, en a quala a traviés d'as sufrienzas d'os cristians mientres o reinato de Nerón fa una cretica d'a empremida d'a mesma Polonia.

Vinclos externos[editar | editar código]


Predecesor:
Frédéric Mistral y José de Echegaray
Premio Nobel de Literatura
1905
Succesor:
Giosuè Carducci