Helgoland
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Helgoland | |
|---|---|
 Helgoland y Düne (dezaga). | |
| Localizazión | |
| Estato | Alemanya |
| Mar | d'o Norte |
| Cheografía | |
| Superficie | 4,21 km² |
| Punto más alto | 61 m |
| Demografía | |
| Población | 1.307 habitants |
| Densidat | 310 hab./km² |
| Mapa | |
 | |
Helgoland (en anglés Heligoland, en frisón septentrional Deät Lun) ye una isla d'Alemanya que se troba en a Mar d'o Norte y perteneix a l'estau de Schleswig-Holstein.[1]
Heligoland se troba a 46 kilometros d'a costa alemana y consta de dos islas: a isla prencipal triangular poblada d'1 km² a l'ueste, y la clamada Düne enta l'este. Helgoland per un regular se refiere a la isla prencipal. Düne ye bella cosa mas chicota con 0,7 km² y no ye habitada permanentment.
En a isla no i ha autos, fueras de l'auto d'a policia y una ambulancia, ya que son prohibius.
Heligoland ye agora un puesto de vacanzas y desfruta d'un estau d'exención de treudos, estando parti d'Alemanya y la UE, pero excluyida de l'aria de IVA d'a UE y la unión aduanera. En consecuencia, gran parti d'a suya economía se basa en a venda de fumarros, bebidas alcoolicas y perfumes a los turistas que visitan as islas.
Historia[editar | modificar o codigo]
En 1714 a isla estió conquerida per Dinamarca y en 1807 presa per o Reino Uniu mientres as guerras napoleonicas.
O Reino Uniu cedió la isla a Alemanya en 1890. A isla se convirtió en una gran base naval, y en a Primera Guerra Mundial a suya población civil estió evacuada a lo continent. Os islencos tornoron en 1918.
En zaguerías d'a Segunda Guerra Mundial, lo 19 d'abril de 1945, mas de mil bombarders Aliaus atacoron a isla. A población civil estió evacuada la nueit siguient.
Dende 1945 dica 1952 as islas, encara deshabitadas, estioron emplegadas como campo de tiro d'a RAF.
O 18 d'abril de 1947, en a clamada Operación Big Bang, a Marina Reyal britanica esclató 6800 toneladas d'explosivos con a intención de destruyir a isla. Estió una d'as mayors explosions no nucleyars d'a historia.[2]
A la fin a isla estió tornada lo 29 de febrero de 1952 a Alemanya y los suyos antigos habitants tornoron a ella.
Puestos d'intrés[editar | modificar o codigo]
- Lange Anna.
- Hummerbuden.
Personalidaz naixitas d'Helgoland[editar | modificar o codigo]
- Eva von der Osten (1881 - 1936), cantaire d'opera.
- Robert Pilger (1876 - 1953), botanico.
- James Krüss (1926 - 1997), escritor.
Referencias[editar | modificar o codigo]
- ↑ (ca) Helgoland en a Gran Enciclopèdia Catalana
- ↑ (de) Der Tag, an dem Helgoland der Megabombe trotzte en spiegel.de
Vinclos externos[editar | modificar o codigo]
Se veigan as imáchens de Commons sobre Heligoland.
