Hadrián I

De Biquipedia
Ir ta: navego, busca
Hadrián I
95eno Papa d'a Ilesia Catolica
Charlemagne and Pope Adrian I.jpg

9 de febrero de 772 - 25 d'aviento de 795
Predecesor Esteban III
Succesor León III

Naixencia Roma
Muerte 25 d'aviento de 795
Enterreco Basilica de Sant Per

Hadrián I estió o 95eno Papa de Roma, dende o [[9 de febrero] de l'anyo 772 dica a suya muerte o 25 d'aviento de 795, estando uno d'os pontificatos més luengos d'a historia. Yera fillo d'un duque de Roma y cónsul imperial, Tódulo.

Habió de fer prent a la invasión d'o rei longobardo Desiderio, y a l'egual que Esteban II demandó aduya a los francos, alavez dirichitos por Carles Magno, qui entró en Italia en l'anyo 773, asitió Pavia, la prenió en chunio de 774, se proclamó rei d'os longobardos y s'adrezó ta Roma, on reconoixió as donacions que Pepín lo Petít heba feito a lo papato.

Hadrián I escribió a los bispes d'Hispania pa posar-los contra os errors de Felix d'Urchel. En l'anyo 786 ninvió una delegación t'Anglaterra pa establir y confirmar a Fe.

Mientres o suyo pontificato Irene, a madre d'o emperador Constantín VI convocó o seteno Concilio Ecumenico que se celebró en Nicea en l'anyo 787 y que baixo a presidencia d'os legatos papals restablió o culto a las santas imachens condenando a iconoclastia y excomulgando a los suyos seguidors. D'esta traza se posó fin a la primera crisi iconoclasta, que heba encomenzato quan o emperador León III o Isauro en l'anyo 726.

Fue apedecato en a Basilica de Sant Per.

Hadrián I en fuents aragonesas[editar | editar código]

Ye nombrato en o "Libro d'os Emperadors" en o capítol que dedican a Irene y o suyo fillo Constantín VI, en especial quan parlan d'o Concilio de Nicea II, pero tamién quan morió y lo succedió o Papa León III.

e aprés la muert del papa Adriano fue fecho papa León. Un hombre de muit gran valor. Mas los parientes del dito papa Adriano somovieron con el pueblo a riota contra papa León.

Tamién ye nombrato en o "Libro d'o Trasoro":

Et Desideor, rey de Lombaria començo de la otra part guerra, que Teolofre su padre nonde auya feyto tanto en su vida. E Adrián el apostolico rogo Carlo Magno, fillo de Pepin que la ora era rey de Francia que el vujes en Ytalia en a si que en la çibdat de Papia en do el rey staua e tomaua plazer con su muller e con sus fillos; e la ora fizo jurar la fealdat de Santa Eglesia a toda Ytalia e el mjsmo, e pues lo leuo preso en Francia.
apres la muerte de Adrian, fue en silias por los romanos, Carlo lo tornó a Roma en su dignjdat, e la ora confermo el lo que los padres aujan feyto, e stablio todo lo que a la necesidat de la Santa Eglesia e del jmperio e de los clerigos e de leyes e dio a Senyor Sant Pedro el ducado de Spolite e de Benauent
Emblema d'o Vaticano Predecesor: Papato: Succesor: Bandera d'o Vaticano
Esteban III 772 - 795 León III