León III

De Biquipedia
Ir ta: navego, busca
Iste articlo ye sobre o papa León III. Ta atros empelgos se veiga León III (desambigación)
León III
96eno Papa d'a Ilesia Catolica
Leo III.jpg

27 d'aviento de 795 - 12 de chunio de 816
Predecesor Adrián I
Succesor Esteban IV

Naixencia 750
Roma
Muerte 12 de chunio de 816

León III estió o 96eno Papa de Roma, dende o 27 d'aviento de 795 dica a suya muerte o 12 de chunio de 816. Yera naixito de Roma en 750.

Ye nombrato en o "Libro d'os Emperadors" en o capítol que dedican a Irene y o suyo fillo Costantín VI.

e aprés la muert del papa Adriano fue fecho papa León. Un hombre de muit gran valor. Mas los parientes del dito papa Adriano somovieron con el pueblo a riota contra papa León, e fiziéronlo prender e ligar, e querianle sacar los güellos; mas non lo fizieron, que aquellos que ý fueron diputados a sacarli los ojos havieron piedat d'él, assi como de santo hombre, e fiziéronle danyo adarredor de los ojos, mas nol adanyaron la vista.

Dende l'anyo 799 dica l'anyo 800 s'exella baixo a protección de Carles Magno, y esto lo cuentan en lo "Libro d'os Emperadors" d'esta traza:

Aprés aquesto, el papa fuyó a Karles, rei de Francia, con el socorro del cual aprés tornó en la seu apostolical e fizo vengança de sus enemigos. E del tempo de aquesti papa fue yusmesa Roma a Francia,

Dimpués León III coronó como emperador a Carles Magno en a Basilica de Sant Per de Roma (o 25 d'aviento de 800), y en o "Libro d'os Emperadors" lo comentan asinas:

que el dito papa coronó al rei de Francia emperador de Roma. Mas ya antes, en el tempo de Justiniano emperador, vinieron los francesses contra Italia, mas no y fizieron res sino una gent de la nación germánica, segunt desuso havemos dito, e aquestos fueron siempre contrarios a los romanos.

Por ixo mesmo tamién lo nombran en a "Cronica d'os Conquiridors" en relación a atras historias:

La ora el emperador Karles, es a saber el anyo de Nuestro Senyor DCCCV , del imperio suyo el anyo V, a LXIII anyos de su edat, a XIII anyos del pontificado del papa Leon III , decebido el emperador por el fiero et cruel traydor, tomo aquel mal camino conel arcobispo Turpino et con Ganalon impiadoso traydor et con todas las copias del exercitu por passar los puertos Ciseros, et que recibiesse con grant honor los reyes Marsil et Beligando qui venian a el con lures gentes
Emblema d'o Vaticano Predecesor: Papato: Succesor: Bandera d'o Vaticano
Adrián I 795 - 816 Esteban IV