Günther Haensch
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Günther Haensch | |
|---|---|
| Información personal | |
| Calendata de naixencia | 22 d'abril de 1923 |
| Puesto de naixencia | Múnich, Alemanya |
| Calendata de muerte | 10 de mayo de 2018 |
| Edat | 95 anyos |
| Puesto de muerte | Augsburgo, Alemanya |
| Ocupación | Lingüista y lexicografo |
Günther Haensch (22 d'abril de 1923, Múnich, Alemanya – 10 de mayo de 2018, Augsburgo,[1] Alemanya) estió un lingüista y lexicografo alemán. Estió un especialista en dialectolochía catalana y aragonesa, y tamién publicó diccionarios mas chenerals y atros treballos arredol d'a cultura espanyola y francesa.[2]
Vida[editar | modificar o codigo]
Günther Haensch naixió en Múnich.[2] Entre 1945 y 1951 estudió luengas romanicas y historia d'a Edat Meya en Chinevra, Barcelona y Múnich. Dende 1968 a 1973 estió catedratico de luengas romanicas y estudios culturals en la Facultat d'Economía d'a Universidat d'Erlangen-Nuremberg. Dende 1973 dica 1992 estió catedratico de Linguistica Aplicada (Luengas Romanicas) en a Universidat d'Augsburgo y director d'o suyo centro de luengas.[3]
Obra[editar | modificar o codigo]
La suya tesis doctoral tractó sobre los dialectos de transición entre l'aragonés y lo catalán en Alta Ribagorza. Estió traducida a lo espanyol y publicada en 1962 con o titol Las hablas de la Alta Ribagorza, estando una obra de referencia fundamental pa la dialectolochía pirenenca y pa los estudios sobre la muga lingüistica entre l'aragonés y lo catalán en ixa aria.
Bibliografía[editar | modificar o codigo]
- (es) Günther Haensch. Las hablas de la Alta Ribagorza. Institución «Fernando el Católico». Zaragoza, 1962.
Referencias[editar | modificar o codigo]
- ↑ (es) Fallece el lingüista y lexicógrafo alemán Günther Haensch, consultau o 21 d'agosto de 2018.
- ↑ 2,0 2,1 Haensch, Günther en la Gran Enciclopedia Aragonesa OnLine.
- ↑ Günther Haensch. Frankreich: Politik, Gesellschaft, Wirtschaft. ISBN 978-3-406-43345-0