Luengas romances

Francés (azul), castellán (verde), portugués (narancha), italián (amariello) y rumán (royo).

As luengas romances u luengas neolatinas son as que derivan d'o latín vulgar

Con a caita d'o Imperio Román, as diferents entidatz territorials, a gran distancia entre as partz, y a influencia d'as luengas locals o latín vulgar facioron que evolucionase t'as luengas romances.

Actualment son 20 luengas charratas por 900 millons de personas.

Luengas ibero-romances

• Aragonés: Luenga charrata en o norte d'Aragón. Declarata luenga propia d'Aragón.

• Asturleyonés: luenga u conchunto de luengas pareixitas entre as que se troban:
  • Asturiano: Luenga charrata en Asturias por 110.000 personas.
  • Leyonés: Luenga charrata Leyón.
  • Mirandés: ye oficial en Miranda de l Douro, Portugal.

• Catalán: Luenga oficial de Catalunya, Islas Balears, País Valencián, Andorra y a ciudat d'Alguer. Tamién se charra en a Francha de Levant, estando luenga propia d'Aragón.
  • Valencián: oficial en o País Valencián, considerato catalán occidental por totz os lingüistas.

• Castellán: Parlato por 300 millons de personas en Espanya, America d'o Sud, Estatos Unitos, Guinea Equatorial, Sahara Occidental y Filipinas.

• Chodigoespanyol: Luenga d'os sefardís, descendients d'os chodigos que forachitoron d'Espanya.

• Gallego: Una d'as luengas oficials de Galicia, Espanya. Charrata por 3 millons de personas.

• Mozarabe

• Occitán: Charrato en Occitania (os suyos dialectos son o lemosín, l'auvernés, o provenzal, o lenguadociano, o gascón y o vivaroalpín). Oficial en a suya variedat aranesa en Catalunya.

• Portugués: Luenga oficial de Portugal, Brasil, Mozambique, Timor Oriental, Sant Tomé y Prencipe.

Istas dos zagueras son clasificatas por Ethnologue como luengas d'o grupo pirenenco-mozarabe, como grupo trestallato d'as luengas galorromanicas y iberorromanicas. Manimenos, ista clasificación no ye guaire seguita en atros estudios sobre luengas romanicas, que gosan incluyir l'aragonés y o mozarabe entre as luengas iberorromanicas, a més dentro d'o mozarabe i heba diferents grupos de parlas que s'estendillaban por més d'a metat d'a peninsula, unas més pareixitas a los idiomas d'o noreste y atras menos.

Luengas italo-dalmatas

• Dalmata: Luenga muerta que se charraba en l'actual Croacia.

• Italián: Luenga charrata en Italia y Suiza.

Luengas reto-romances

• Friulán: Charrato en Udine, Italia.
• Ladín-dolomita: Charrato en l'Alto Adigio, Italia.
• Rumanch: Luenga nacional, que no oficial, de Suiza.

Luengas oïl-romances

• Francés: Charrato en Francia, Suiza y en as antigas colonias francesas.

• Francoprovenzal: Charrato en Arpitania.

• Valón: Charrato en Belchica.

Luengas romances orientals

• Rumán: Charrato prencipalment en Rumanía y Moldavia por 28 millons de personas, con minorías en o norte Serbia, norte de Bulgaria, Ucraína y Rusia.

• Istrorumán: Charrato en Istria, (Croacia).

• Arrumán: Charrato en Grecia, Bulgaria, Rumanía, Republica de Macedonia, Albania y sud de Serbia.

• Meglenorrumán: Charrato en o norte de Grecia.

Luenga sarda

• Sardo: Charrato en Cerdenya.

Luengas romances

Aragonés | Arrumán | Asturleyonés | Castellán | Catalán | Corso incluindo o gallurés | Chodigoespanyol | Dalmata | Francés incluindo o diasistema d'as luengas d'oïl con o Borgonyón, Campanyés, Franco-Contés, Galó, Lorenés, Normando (Guernesiés y Jèrriais), Petavín-Santonchés, Picardo y Valón | Francoprovenzal | Friulán | Gallego | Istriot | Istrorrumán | Italián | Ladín | Ligur | Lombard | Meglenorrumán | Napolitán | Occitán incluindo o gascón y l'aranés | Piemontés | Portugués | Rumanch | Rumán | Sardo incluindo o sasarés | Secilián | Venecián