Francis Drake

De Biquipedia
Ir ta: navego, busca
Francis Drake
Francis drake.jpg
Información personal
Calendata de naixencia: 1543
Puesto de naixencia: Flag of the United Kingdom.svg Crowndale
Calendata de muerte: 28 de chinero de 1596
Puesto de muerte: Flag of Panama.svg Portobelo
Ocupación: Pirata

Francis Drake (Crowndale 1543 - Portobelo, 28 de chinero de 1596) estió un famoso mariner, explorador y corsario. Estió lo primer anglés que fació la vuelta a lo mundo.

Biografía[editar | editar código]

Naixió en o sino d'una familia protestant que se veyó obligata a tresladar-se a Kent mientres a revuelta catolica de 1549.

Mariner dende muito chóven, fué a lo mar Caribe atrayito per a graniza riqueza que portiaban as naus d'a Corona de Castiella. O suyo odio enta os catolicos creixió debito a un incident en qualo a suya nau fue enrestida por os espanyols a tamas d'haber una tregua con ells.

Dende ixe inter se convirtió en una baruca ta o imperio castellán. L'anyada 1573 atacó lo puerto colombiano de Nombre de Dios t'apoderar-se d'a flota d'o tresoro espanyola. Se levó l'oro que portiaban os barcos espanyols pero deixó a plata debito a lo suyo peso.

As suyas accions li valioron un gran emparo d'a cort anglesa. Fue financiato por o Conde d'Essex y a reina Isabel I d'Anglaterra li otorgo en 1581 o tetulo de Sir.

En l'anyo 1577 a reina li clamo ta fer exploracions en o Pacifico, asinás se convirtió en o primer anglés en trescruzar o Estreito de Magallans y o primer anglès en fer a vuelta a lo mundo.

L'Armada invencible[editar | editar código]

Drake fue nombrato vicealmirant l'anyada de 1588 ta luitar contra l'armada espanyola (a clamata Armada invencible) que quereba invadir Anglaterra. Tenió una intervención destacata en la redota d'a Invencible en a Batalla d'a Canal d'a Mancha.

En os zaguers anyos d'a suya vida y ya con o tetulo d'almirant tenió lo encargo d'atacar Puerto Rico anque no tenió exito. Morió una anyada dimpués (1596) de disentería dezaga d'un nuevo intento d'apoderar-se d'ista isla.

Vinclos externos[editar | editar código]

Commons-logo.svg
Se veigan as imáchens de Commons sobre Francis Drake.