Francho Rodés
De Biquipedia
Francho Rodés Orquín (Sariñena, 1960) ye un escritor aragonés que ha escrito barios libros de poesía y lecsicografía en luenga aragonesa. Iste lizenziato en Filolochía Ispanica ye en l'autualidat profesor en o IES Biello Aragón de Samianigo, miembro de l'Academia de l'Aragonés (que en ye bocal d'Imbestigazión), d'o Consello d'a Fabla Aragonesa, d'o Consello Asesor de l'Aragonés e d'o Rolde O Caxico.
En a decada d'os 1980 publicó os libros de poesía:
Ye coautor d'o libro "Antroponimos aragoneses" (1989) y autor d'o "Bocabulario aragonés d'o botero Pedro Lafuente", editato en 1996. En ixe mesmo año colaboró en o "Bocabulario aragonés d'abes d'Europa". Ha treballato en o curriculum de luenga aragonesa ta Educazión Segundaria que decamín amanexerá. Ye autor d'o libro del "Bocabulario Monegrino" que reculle un important lumero de dentratas (bellas 7.700). En 2007 s'ha encargato d'a traduzión e la edizión d'o treballo "El Aragonés Literario a Finales del Siglo XIV. El Testimonio Del Libro Del Trasoro", d'a profesora Dawn E. Prince (d'a Iowa State University), publicato en en a rebista dichital EDACAR (Academia de l'Aragonés). Tamién ye estato o correutor d'a traduzión ta l'aragonés d'Os cuatre Ebanchelios de Nuestro Siñor Chesucristo, feita por o escolapio P. Pedro Recuenco y publicata en 2008.
