Investigación

De Biquipedia
Ir ta: navego, busca

Una investigación ye un proceso analitico, sistematico, organizato y obchectivo, que o suyo proposito ye de responder a una pregunta u hipotesi ta ixamplar asinas o conoiximiento y a información sobre bella cosa esconoixita d'a que se deseya saber más a fundo. En bells textos modernos tamién se fa servir metaforicament os vocables rechirar y rechira como sinonimos d'"investigar" y "investigación".

Caracteristicas[editar | editar código]

Una investigación se caracteriza por estar un proceso:

  • Sistematico: A partir d'a formulación d'una hipotesi u obchectivo de treballo, se recullen unos datos seguntes un plan preestableixito que, una vegata analizatos y interpretatos, modificarán u adhibirán nuevos conoiximientos a os ya existents, encetando-se alavez un nuevo ciclo d'investigación. A sistematica emplegata en una investigación ye a d'o metodo scientifico.
  • Organizato: Totz os miembros d'un equipe d'investigación han de conoixer o que deben fer durant tot o estudeo, aplicando as mesmas definicions y criterios a totz os participants y actuando de forma identica debant de qualsiquier dandalo. Ta aconseguir-lo, ye imprescindible escribir un protocolo d'investigación an que s'especifiquen totz os detalles relacionatos con o estudeo.
  • Obchectivo: As conclusions obtenitas d'o estudeo no se basan en impresions subchectivas, sino en feitos que s'han obserbato y miditos, y que en a suya interpretación se priva qualsiquier prechuicio que os responsables d'o estudio pudesen tener.

Actividatz[editar | editar código]

As actividatz alazetals d'una investigación son:

  • Medir fenomenos.
  • Contimparar os resultatos obtenitos.
  • Entrepetar os resultatos en función d'as conoixencias actuals, considerando as variables que pueden haber influito en o resultato.

Tamién tien como función social l'adquisición de conoixencias t'o desembolique u superación humana, social y economica d'a sociedat.

Menas d'investigación[editar | editar código]

  • Investigación basica. Tamién dita investigación fundamental (alazetal) u investigación pura. Se gosa levar a termino en os laboratorios.
  • Investigación aplicata. Ye l'aplicación d'os conoiximientos, en a mayoría d'os casos, en proveito d'a sociedat. Un eixemplo son os protocolos d'investigación clinica.

Investigación entre disciplinas[editar | editar código]

S'han descrito diferents menas d'investigación entre disciplinas, así como una terminolochía especifica. Bellas definicions comunment aceptatas son:

  • Multidisciplinariedat: en iste nivel d'investigación l'aproximación con o fin d'estudio se realiza dende diferents anguls, emplegando diferents perspectivas disciplinarias sin plegar en a integración.
  • Interdisciplinariedat: iste nivel d'investigación se refiere a la creyación d'una identidat metodolochica, teorica y conceptual, de forma que os resultatos sigan más coderents y integratos.
  • Transdisciplinariedat: va dillá d'as anteriors y se refiere a lo proceso en o qual ocurre a converchencia entre disciplinas, acompanyato por una integración mutua d'as epistemolochías disciplinaras (Teoría d'as Sciencias Humanas).