Realidat

De Biquipedia
Ir ta: navego, busca
Articlo d'os 1000

A realidat ye o conchunto de tot lo que existe. Seguntes as escuelas filosoficas que analicen o concepto, a realidat puet encluyir u no entidatz difuera de l'alcance d'a percepción (como l'alma u Dios) u d'atra man puet estar o reino d'o qual ye mesurable, accesible a traviés d'a razón u d'os sentitos y por tanto susceptible de estar emplegato como preba ta las hipotesis u chudicios. Real puet emplegar-se como sinonimo de cierto, d'existent u encluso de ser y amás gosa emplegar-se como antonimo de posible, irreal, ideyal u imachinario. En o sentito común, por tanto, a realidat gosa equivaler a lo mundo exterior a uno mesmo, con una existencia fisica.

As disciplinas que s'ocupan d'a realidat son a Filosofía (en especial as brancas d'Ontolochía y Metafisica), a Sociolochía, l'Antropolochía y a Psicolochía. As ditas sciencias puras a sobén dan por suposato lo concepto de realidat, ya que o suyo obchectivo ye estudear-la y no qüestionar-ne a esencia, encara que as corrients mas abanzantas, como a teoría quantica, parten chustament d'o qüestionamiento d'iste concepto ta principiar-ne l'analís.