El Niño

De Biquipedia
Ir ta: navego, busca
Articlo d'os 1000
Oscilación d'o Sud El Niño.

En climatolochía se diz El Niño (en aragonés literalment "O Nino") a un sindrome climatico, erraticament ciclico, que ye prevocato por un cambeyo en os patrons de movimientos d'as masas d'aire, fendo en conseqüencia que i haiga un retardo en a cinetica d'as corrients marinas "normals", y prevocando lo escalfamiento d'as auguas sudamericanas; fendo desastres a ran mundial, afectando más que más a America d'o Sud, Indonesia y Australia.

O nombre de "El Niño" se debe a pescataires d'o puerto de Paita a lo norte de Perú que obserboron que as auguas d'o sistema de Corrients Peruana u Corrient de Humboldt, que recorre de sud a norte as costas de Perú y Chile, se calentaban en a epoca d'as fiestas de Nadal y allora os bancos de peixes fuyiban enta o sud, debito a una corrient calient que procedeba d'o Golfo de Guayaquil (Ecuador). A iste fenomén li dicioron Corrient d'o Niño, por o Nino Chesús.

O nombre scientifico d'o fenomén ye Oscilación d'o Sud El Niño (El Niño-Southern Oscillation, ENSO, por as suyas sieglas en anglés). Ye un fenomén con más d'once milenios d'historia climatica.

En a costa pacifica de Sudamerica no se produce afloramiento de nutrients dende o fondón ocianico mientres periodos d'El Niño, afectando negativament a la producción fotosintetica en o fitoplancton.[1]

Referencias[editar | editar código]

  1. (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGraw-Hill, pp 104-105, 208-209

Bibliografía[editar | editar código]

Se veiga tamién[editar | editar código]