El Niño
En climatolochía se diz El Niño (en aragonés literalment "O Nino") a un sindrome climatico, erraticament ciclico, que ye prevocato por un cambeyo en os patrons de movimientos d'as masas d'aire, fendo en conseqüencia que i haiga un retardo en a cinetica d'as corrients marinas "normals", y prevocando lo escalfamiento d'as auguas sudamericanas; fendo desastres a ran mundial, afectando más que más a America d'o Sud, Indonesia y Australia.
O nombre de "El Niño" se debe a pescataires d'o puerto de Paita a lo norte de Perú que obserboron que as auguas d'o sistema de Corrients Peruana u Corrient de Humboldt, que recorre de sud a norte as costas de Perú y Chile, se calentaban en a epoca d'as fiestas de Nadal y allora os bancos de peixes fuyiban enta o sud, debito a una corrient calient que procedeba d'o Golfo de Guayaquil (Ecuador). A iste fenomén li dicioron Corrient d'o Niño, por o Nino Chesús.
O nombre scientifico d'o fenomén ye Oscilazión d'o Sud El Niño (El Niño-Southern Oscillation, ENSO, por as suyas sieglas en anglés). Ye un fenomén con más d'onze milenios d'historia climatica.
Se veiga tamién [editar]
