Democracia directa

De Biquipedia
Ir ta: navego, busca

A democracia directa u democracia dreita ye una mena de democracia en a quala los ciudadans pueden participar dreitament en a presa de decisions politicas. Bells sistemas proposatos dan a la chent poders lechislativos y executivos, encara que la mayoría de sistemas existents premiten a participación només en lo enanto lechislativo.

A democracia dreita en a suya traza tradicional ye o gubierno d'o pueblo por meyo de referendums. A ciudadanía tien dreito a aprebar u vedar leis, asinas como a retirar o refirme a un representant (si ye que lo sistema en tien, de representants) en qualsiquier inte.

A democracia dreita, en un sentito muderno, consta de tres pilars concretos:

  1. a iniciativa popular
  2. o referendum
  3. a revocación de cargos esleitos.

Suiza ye lo millor eixemplo de sistema politico muderno basato en a democracia dreita, pus poseye los dos primers pilars tanto a libel local como federal. En as zagueras 120 anyadas més de 240 iniciativas han estato votatas en referendums, encara que la ciudadanía s'ha comportato de maniera conservadwra, no aprebando-se so que un 10% de totas as iniciativas votadas.

Unatro eixemplo impotant son os Estatos Unitos, an que no existe democracia dreita a libel federal, pero si a un libel més baixo, pus més d'a metat d'os estatos y muitos municipios premiten que os ciudadans promulguen participen en a votación d'iniciativas, y a gran mayoría d'os estatos contan con iniciativas u referendums.

En relación con iste concepto tenemos o de democracia electronica, que relaciona los mecanismos d'a democracia dreita con o emplego d'Internet y d'atras tecnolochías d'a comunicación.

Historia[editar | editar código]

A democracia dreita fue prebata per primera vegata en l'antiga democracia ateniense (prencipiando lo 508 aC). Ista experencia tenió una durada d'alto u baixo dos sieglos, mientres os qualos o poder recayó en una asambleya an que bi yeran totz os ciudadans barons, os cargos publicos yeran esleitos per sorteyo, y un representant esleito per l'asambleya, clamato estratega, s'encargaba de menar l'exercito d'a ciudat.

As restrictivas condicions per estar considerato ciudadán (només que los barons en yeran), y per tanto poder participar en a vida politica d'a ciudat, asinas como as redueitas dimensions d'a ciudat-estato d'Atenas en ixos tiempos (arredol de 300.000 presonas) minimizaban as dificultatz lochisticas propias d'ista mena de gubierno.

Tamién cal tener en cuenta a historia romana, en que los ciudadans feban y aprebaban as leis, periodo que encomenzó arredol d'o 449 aC y duró alto u baixo quatro sieglos, ent'a muerte de Chulio Cesar en o 44 aC, encara que muitos historiadors meten a fin d'a Republica romana l'anyada 43 aC, con l'aprebación d'una lei clamata Lex Titia. Seguntes bells historiadors, o feito que los ciudadans tenesen o protagonismo de fer as leis estió un factor important que contribuyó a la fuga de Roma y d'a civilización greco-romana.

Dimpués d'istos antecedents leixanos en o tiempo, ista traza de gubierno no s'ha feito servir guaire (bells gubiernos l'han establito en bella mesura, pero no a lo libel de l'antiga Atenas). As democracias mudernas por un regular funcionan por meyo de representants esleitos per os ciudadans, o que ye conoixito como democracia representativa.

A era muderna d'a democracia dreita encomenzó en as ciudatz de Suiza en o sieglo XIII. En 1847, os suizos adhibioron o referendum estatutario en a suya constitución. De camín pensoron que tener només que lo poder de bedar as leis que produciba lo Parlamento no yera pro, y asinas en 1891 adhibioron a iniciativa d'enmienda constitucional. As batallas politicas suizas dende allora han ufrito a lo mundo una esperencia important en l'aplicación d'esta mena d'iniciativas.

Muitos movimientos politicos en o mundo miran a evolución dende l'actual sistema de democracia representativa, vichent en a mayoría de democracias mudernas, y en bellas democracias dreitas u de democracia deliberativa (basata en a presa de decisions consensuatas més que no en o simpla regla d'a mayoría).

Avantallas y Desavantallas[editar | editar código]

A obchección més impotant que gosa atribuir-se a la democracia dreita se refiere a la suya practicidat y eficiencia. Decidir sobre toz u quasi totz os temas d'impotancia publica meyant referendums puet estar pando y costoso, y puet prebocar en os ciudadans marconflería y cansera. Os esfensors actuals d'a democracia dreito gosan socherir que la democracia electronica (con ferramientas como as wikis, os foros u a televisión) puet paliar istos problemas. Una atra esavantalla que se fa servir ye la posibilidat de desembocar en a demagochia.

Tamién en ye una desavantalla o feito de que las preguntas han d'estar curtas, con una respuesta de si u no, y asinas os votants podrían esleyir politicas incoderents. Per eixemplo, una mayoría podría votar a favor de reducir os impuestos mientres que una mayoría podría votar tamién per un incremento d'o gasto publica en educación. A respuesta común a ista cretica ye que lo problema d'as decisions inconsistents no ye exclusivo d'ista traza de democracia.

Mirando de limitar a popularidat y o calato social que los prencipios d'a democracia dreita poderban prevocar de maniera natural, os gubernants y partidarios de prencipios democraticos més estrictos gosan invocar termins como lo "gubierno d'as masas" ta exarcervar a tendencia natural que tienen os ciudadans a tener medrana de qué puet ocurrir si los suyos conciudadans prenesen decisions dreitas sobre una parti impotant d'as politicas publicas, especialment referent a las suyas libertatz civils alazetals.

Bells estudiosos fan servir o termin democracia semidreita ta describir sistemas de democracia dreita que conten con mecanismos ta protecher as libertatz civils asinas como ta protecher os intreses d'as minorías d'a mayoría. Sindembargo, como a democracia dreita gosa funcionar perén d'ista maniera, a necesidat de dito termin no ye d'o tot esclatero.

A mesa en practica d'a democracia dreita gosa traducir-se en un proceso de confrontación, en o que la ciudadanía discuta y esleiga dos opcions definitas per espertos. Iste proceso se caracteriza per una manca de deliberación enfilata ent'o consenso. Per ista razón, a democracia dreita s'asocia més que més con politicas de cucha u de dreita, a lo menos ixo se deduce de l'analís de que esfiende muitas iniciativas lechislativas en os estatos d'Estatos Unitos que lis premiten. De tota traza ye impotant subrayar que qualsiquier decisión resultant d'un d'istas iniciativas ha de rispetar a constitución d'o país correspondient, o que por un regular priva que se derogue libertatz civils.

O modelo canadiense d'asambleya de ciudadans escusa muitas d'as desavantallas d'a democracia dreita a traviés d'un proceso basato en a deliberación y o consenso, pro diferent d'o caracterizato per as iniciativas y os referendums.

En diferents partis d'o mundo bi ha propuestas d'aplicación de democracia dreita; en Espanya, por eixemplo, Democracia Dreita Activa y en Uruguai, Democracia Dreita Informatizata.

A democracia dreita dende la cucha[editar | editar código]

En as zagueras anyadas han apareixito movimientos de cucha que esfienden un modelo de democracia dreita que vaiga substituindo a la democracia representativa. Iste modelo de democracia dreita ye basato no només que en a celebración de referendums t'a presa de decisions importants concretas, si que preveye a instauración de mecanismos como asambleyas de vicos u presupuestos participativos an a ciudadanía tienga un papel més activo en a presa de decisions. A democracia dreita sería una traza més funda de democracia participativa.

Vinclos externos[editar | editar código]