Decio

De Biquipedia
Ir ta: navego, busca
Decio
Emperador d'o Imperio Román
Emperor Traianus Decius (Mary Harrsch).jpg
Busto de Decio

249 - 251
Predecesor Felipo l'Arabe
Succesor Hostilián, Trebonián Galo

Reinato 249 - 251
Naixencia arredol de l'anyo 201
Budalia (en l'actual Serbia)
Muerte 251
Abrittus (en l'actual Bulgaria)
Descendencia Hostilián

Trachán Decio (en latín GAIUS MESSIUS QUINTUS DECIUS AUGUSTUS) estió emperador d'o Imperio Román dende l'anyo 249 dica l'anyo 251. Ye naixito arredol de l'anyo 201 de Budalia (actual Martinci amán de Sremska Mitravica en Voivodina) y murió en chunio de l'anyo 251 en a Batalla d'Abrittus contra os godos amán de l'actual Razgrad (Bulgaria).

Fue nombrau emperador por os soldaus dimpués d'esclafar a revuelta de Pacatián en Panonia y Moesia quan encara yera emperador Filipo d'Arabe. Marchó con as suyas tropas ta Italia y venció a Filipo en una batalla amán de Verona a on murió. Dimpués d'a muerte de Filipo, Decio fue reconoixiu emperador por o Senau.

Estió un emperador que confiaba muito en a valgua d'a relichión romana y imposó que totz os ciudadans romans fesen sacrificios a los dioses romans independientment d'a suya relichión. Os cristians se negaban a fer-lo y fuoron perseguius.

Mientres o mandato de Decio un grupo de godos mandaus por o rei Cniva trescruzoron o Danubio entrando en Moesia y Tracia pa saqueyar-las. Decio marchó a escape contra os godos con o exercito y los atacó mientres asitiaban Nicopoli. Os godos reaccionoron adrezando-se enta o sud, con territorios montanyosos (os Monts Balcans), y atacoron con exito Filipopoli (Plovdin). Decio querió ensopinar a los godos quan yeran de camín ta casa con o suyo botín pero lo derrotoron en a Batalla d'Abrittus, a on murió.


Predecesor:
Felipo l'Arabe
Emperador de Roma
249-251
Succesor:
Hostilián y Trebonián Galo