Datibo
De Biquipedia
Lo caso datibo (tamién clamato terzer caso) s'aplica á sustantibos e pronomes. Este caso marca por un regular lo complemento indireuto, por lo que se fa serbir pa espresar la presona u cosa que rezibe lo daño u probeito de l'azión berbal.
D'esta traza respone á las preguntas: "a qui?", "pa qui?", formulatas á lo berbo. Por exemplo "lo nino escribe una cara a l'amigo suyo". Por á més bi ha atros emplegos como lo de posesión, como por exemplo en latín, sobre tot en latín bulgar.
Lo suyo nome bien de lo latín DATIVUS, de lo berbo DARE ("dar"). Lo suyo emplego yera común en los primeros idiomas indoeuropeyos e contina estando-ne en lumerosas luengas indoeuropeyas como las eslabas, las baltas e las chermanas. Luengas no indoeuropeyas que emplegan este caso con formas parexitas son las uralicas, lo idioma nabajo e lo chaponés.
En aragonés se troba encara en los pronomes presonals:
- me, te, li/le, nos/mos, bos/tos, lis/les.
En aragonés bi n'ha un emplego, de los pronomes presonals, clamato datibo d'intrés:
- me lo cosira.
- este zagal m'estudeya muito.
- apunta-me a qui charre.
Lo caso datibo latín de la declinazión d'un sustantibo ye fosilizato en la parabra otri: triballa pa otri.
