Dativo

De Biquipedia
Ir ta: navego, busca

Lo caso dativo (tamién dito tercer caso) s'aplica a sustantivos y pronombres. Este caso marca por un regular lo complemento indirecto, por lo que se fa servir pa expresar la presona u cosa que recibe lo danyo u proveito de l'acción verbal.

D'esta traza respone a las preguntas: "a qui?", "pa qui?", formulatas a lo verbo. Por eixemplo "lo nino escribe una cara a l'amigo suyo". Por a més bi ha atros emplegos como lo de posesión, como por eixemplo en latín, sobre tot en latín vulgar.

Lo suyo nombre vien de lo latín DATIVUS, de lo verbo DARE ("dar"). Lo suyo emplego yera común en los primeros idiomas indoeuropeus y contina estando-ne en lumerosas luengas indoeuropeas como las eslavas, las baltas y las chermanicas. Luengas no indoeuropeas que emplegan este caso con formas pareixitas son las uralicas, lo idioma nabaho y lo chaponés.

En aragonés se troba encara en los pronomes presonals:

  • me, te, li/le, nos/mos, vos/tos, lis/les.

En aragonés bi n'ha un emplego, de los pronombres presonals, dito dativo d'intrés:

  • me lo cosira.
  • este zagal m'estudeya muito.
  • apunta-me a qui charre.

Lo caso dativo latín de la declinación d'un sustantivo ye fosilizato en la parabra otri: triballa pa otri.


Casos gramaticals
Ablativo | Acusativo | Chenitivo | Dativo | Ergativo | Locativo | Nominativo | Vocativo