Cupressaceae

De Biquipedia
Ir ta: navego, busca
Cupresaceae
Med Cypress.jpg
Cupressus sempervirens
Clasificación scientifica
Dominio: Eukaryota
Reino: Plantae
División: Pinophyta
Clase: Pinopsida
Orden: Pinales
Familia: Cupressaceae

As Cupressaceae son una familia de l'orden pinales con muita importancia en a vechetación de zonas semiaridas d'o hemisferio norte.

As fuellas por un regular tienen forma d'escata, encara que tamién pueden estar aciculars, son opuestas u en verticilos de tres. A mayoría d'os cheners produce estrobilos lenyosos, encara que en Juniperus, o chenero més común en Europa os estrobilos son carnosos, son una clase especial de lulos ditos galbulos que permiten a endozoocoria.

En a Val de l'Ebro y Sistema Iberico as cupresacias son arbustos (y a vegatas arbols) con importancia paisachistica, son os chinebros y sabinas (chenero Juniperus). O ciprecero ye prou conoixito dende antigo en Aragón como ornamental (en os fosals) u pa aturar a fuerza de l'aire en determinatos campos de cautivo. Especies de cupresacias que se plantan a sobén en os chardins son o ciprecero d'Arizona (Cupressus arizonica) una especie americana d'o chenero Thuja. Afin a lo chenero Thuja ye o chenero Tetraclinis que tien una especie africana (Tetraclinis articulata) que se troba como relicta en o sud d'a Peninsula Iberica).