Cumicos

De Biquipedia
Ir ta: navego, busca
Cumicos
къумукълар
Flag of the Kumukh people.png
Daghestan, A Kumik family (A).jpg
Familia de cumicos
Población total
282.000
Rechions con comunidatz importants
Flag of Russia.svg Rusia
Idiomas
Cumico y ruso
Relichión
Islam
Mapa
Caucasus-ethnic koemyken.png
Localización en o Caucaso

Os cumicos son un grupo etnico que habita en as tierras baixas de Daguestán, en Chechenia-Inguixetia y en Osetia d'o Norte. En 1989 yeran uns 282.000 individuos. Charran una luenga turquica d'a branca quipchac. Son musulmans sunnitas seguidors d'a escuela xafí dende o sieglo XIV.

A suya economía tradicional se basa en a cría de bestiar, en l'apicultura, a producción de vin y l'artesanía domestica.

Luenga[editar | editar código]

A luenga d'os cumicos tien tres dialectos: buinak, qaitagh y khasaviurt, estando o zaguero a base d'a luenga escrita. Antigament s'escribiba en alfabeto arabico, pero en 1927 s'escribiba en alfabeto latín y dende 1938 fue sustituito por o cirilico, por o periglo que veyeban as autoridatz sovieticas en que as luengas turquicas d'a ex URSS s'escribisen con o mesmo alfabeto que o idioma turco d'a Turquía kemalista.

Historia[editar | editar código]

A etnochenesi d'o pueblo cumic estió un proceso lento que encomenzó en o sieglo VII y remató en o sieglo XIII. Son o resultato d'a fusión d'os nativos caucasians de Daguestán con pueblos turquicos que plegoron en diferents ondatas, (as cronicas bizantinas parlan d'hunnos que aduyoron a cristianizar en l'actual Daguestán).

Dende o sieglo XVI os cumicos estioron o grupo etnico dominant en o norte de Daguestán y i formoron un estato feudal con un sobirán hereditatio o shamkhal con seu en l'aul de Tarku dende 1640. Lur tierra fue adhibita a lo Imperio Ruso dimpués que os rusos esclafasen a gran rebuelta daguestaní de 1834-1859.

Bibliografía[editar | editar código]

  • Amiram Gonen, Diccionario de los pueblos del mundo. 1996 Anaya&Mario Muchnik.