Corylus

De Biquipedia
Ir ta: navego, busca
Corylus
Corylus avellana.jpg
Corylus avellana
Clasificación scientifica
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Fagales
Familia: Betulaceae
Chenero: Corylus

As avellaneras (scientificament, o chenero Corylus) son un chenero d'árbols de fuella caduca en a familia Betulaceae, anque qualques autors el deseparan en chunto con Carpinus y Ostrya en una altra familia, dita Corylaceae. O chenero conta con arredol de 10 especies descritas y distribuitas arredol en as latitutz temperatas de l'hemisferio norte.

As fuellas suyas son simplas, de laderas aserratas doblement (ixo ye, que sobre cada "dient" se i forman altras més chicononas). As flors naixen d'antes que no las fuellas, con distribución monoica (ixo ye, que un solo árbol en tiene d'os dos sexos) anque forman amentos deseparatos, cadagún con flors en exclusiva d'un d'os sexos. Os amentos masculins penchan 5 u 10 cm en as brancas, con una carateristica color blanca amarellisca, y os amentos femenins son muit chicotz, quasi que ocultos en as chemas d'a branca, d'á on que ne demanarán as abellanas, y n'amaneixen ta fora d'ixa estructura só que os estilos de color royisca u rusienca.

As avellanas son o fruito d'estes árbols, son nuculas d'entre 1 e 2,5 cm de lonchitut, y 1 u 2 cm de diametro. Como tamién pasa en os carpins (chenero Carpinus), a forma de l'involucro de bractias que acompanian l'avellana fan a diferencia que, posatas en comparanza, permite que se clasifiquen as especies d'este chenero.

As dos especies millor apreciatas en agricultura, en dintro d'este chenero, son l'avellanera d'Europa occidental (Corylus avellana) que pocas vegatas gosa pasar d'un port arbustivo gran, y l'avellanera turca (Corylus colurna) que en comparanza se gosa manifestar coma árbol de grans dimensions (se n'han puesto describir eixemplars que feban dica 35 metros d'altaria). As avellaneras bordes en o Pireneu fan parte d'a vechetación tepica en as marguins d'os campos, y tamién en os sotos d'os ríos, las menos de vegatas feitos creixer coma campet caultivato de forma intencional.

Vinclos externos[editar | editar código]