Cofradía de Jesús Camino del Calvario
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Cofradía de Jesús Camino del Calvario | |
|---|---|
| |
 | |
| Información cheneral | |
| Establita | 1938 |
| Seu | Basilica de Santa Engracia |
| Cofadres | 1010 |
| Pasos | 2 |
| Instrumentos | Tambors, bombos, timbals y cornetas |
| Uniforme | Caperucho blanco y tunica y capa granat |
A Cofradía de Jesús Camino del Calvario (en aragonés Cofadría de Chesús Camín d'o Calvario) ye una cofadría d'a Semana Santa zaragozana.
Historia
D'entre a colla de chent que portiaba o paso de Chesus con a Cruz en o huembro, en a procesión de lo Viernes Santo de 1935, naixió a ideya de fer una cofradía enrededor d'ixe misterio. Lo 17 de febrero de 1938, fendo una misa en a capiella de Sant Antonio d'a Basilica de lo Pilar, se fació a suya fundación, estando iste lo suyo primer acto. Ibi-estieron decisiete d'os deciueito fundadors. En a nuei de de lo Chueves Santo d'ixe anyo procesioneron por primera vez dende a ilesia de Sant Caitano dica la Casa Pignatelli. A lo día siguient s'achunteron ta la procesión de lo Santo Entierro.
Bi plega l'anyada 1939, Chueves Santo, 6 d'abril. A primera procesión en a que se metieron l'habito. Dende iste mesmo anyo a cofadría, formata por cuaranta chirmans, ye filial d'a Muy Ilustre, Antiquísima y Real Hermandad de la Preciosísima Sangre de Nuestro Señor Jesucristo y Madre de Dios de Misericordia, Chirmandat d'a Sangre de Cristo.
Dos anyadas dimpués, en 1941 se fa o cambeo de día d'a suya procesión, que se treslada d'o Chueves Santo ta o Miércols Santo. Ye a primera vegata que se celebra la Cerimonia d'a Trobada chunto con a Chirmandat de Sant Chuaquín y d'a Virchen d'as Dolors en a ilesia de Sant Chaime. En os nuestros diyas a Trobada se fa en a Plaza d'o Pilar, estando encara hue un d'os intes mas emotivos y significaus d'a Semana Santa zaragozana. Tamién en iste anyo se bendice o suyo segundo paso tetular, La Tercera Caída feito por os tallers "Castellana" de Olot. En 1946 se cambea de seu ta la ilesia de Sant Chil.
En 1962, o 18 d'abril, se creya a sección de tambors con 12 tambors y 3 mas con timbals. En 1969 a cofadría fa atra vegata un cambeo de seu ta la Basilica de Santa Engracia, que ye a suya seu actual, la primera misa en ista basilica se fa o 2 de marzo de 1970.
En l'anyada de 1987 creyan una segunda procesión adedicada a lo suyo segundo paso, a procesión d'as Tres Cayitas que se celebra o Lunes Santo. O 2 de febrero de 1991 o Jesús con la Cruz a Cuestas, primer paso d'a cofadría estié cremau en a cripta d'a Basilica, anque se podió restaurar ta ixa mesma Semana Santa.
En os días d'a Semana Santa, aparti d'as procesions, os cofrades fan guardias recordando os pasos o Chueves y Viernes Santo en a ilesia de Sant Caitano y representan a la cofradía en atras procesions.
Actualment lo numero de chirmans plega ta os mil.
Pasos
- Jesús con la Cruz a Cuestas: Obra de l'alcanyizano Tomás Llovet Pérez, de l'anyo 1818, dica 1958 bi'n heba atras cuatro feguras antimás de Chesús, pero se'n sacoron ta destacar mas a fegura d'iste zaguero. As antigas feguras que formaban o paso, antimás d'o Sinyor, yeran a Veronica, o Cireneu un soldau romano y un hebreu, fueron feitas por orden d'a Sangre de Cristo en 1823 por Pedro León, excepto a Veronica que la fació en 1824 Matías Ayerdi. Entre 1941 y 1959 nomás saliba en o Santo Entierro. Dica l'anyo 1974 ista imachen se veneraba en a capiella d'o Cristo d'a Cama en a ilesia de Santa Isabel, dende o 22 d'octubre iste anyo se tresladó ta Santa Engracia.
- La Tercera Caída: Feita en os Tallers Castellana d'Olot, Chirona en 1941. De orichen yeran ueito as feguras que la formaban, inspirato en o cuadro de Rafael "El pasmo de Sicilia" d'o Museu d'o Prado de Madri, pero dos se tireron en 1966. D'antis mas a Guardia Pretoriana cusiraba o paso en a procesión d'a Trobada, a las vegatas debant d'iste y atras entazaga. A primera vegata en a que procesionoron os dos pasos d'a cofadría estió lo 2 d'abril de 1958.
Uniforme y emblema
Tunica blanca, en a capeza caperucho granat u tercerol granat ta la sección de bombos y birret granat ta la sección infantil. Guantes blancos y capa granat. L'habito ye inspirato en a cofadría sevillana de Nuestro Padre Jesús de las Penas
O emblema d'a cofadría ye una cruz con una corona de punchas entre os suyos brazos.
| |
|
Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica | |
Datos: Q17374343
Multimedia: Cofradía de Jesús Camino del Calvario / Q17374343