Chuvaixes

De Biquipedia
Ir ta: navego, busca
Chuvaixes
Чăвашсем
Тухья анат енчи.jpg
Muller chuvaix
Población total
1.800.000
Rechions con comunidatz importants
Flag of Russia.svg Rusia
Idiomas
Chuvaix
Relichión
Cristians ortodoxos

Os chuvaixes son un grupo etnico que habita en a Republica de Chuvaixia (Rusia), en as vicinas republicas de Tartaria, Baixquiria, y arredols de Ulianovsk, Kujbyshevsk y Saratov. Charran una luenga turquica, estando a luenga turquica més esbarrata d'as atras.

Historia[editar | editar código]

Por a suya luenga turquica arcaica bells historiadors creyen que descienden d'os bulgaros d'a Volga. Encara que poblacionalment no siga fácil de demostrar, o antigo proceso de turquizacion linguistica d'os habitants d'ixa zona si que se puet explicar por a influencia d'os bulgaros.

Os chuvaixes son mencionatos en as fuents historicas dende o sieglo XV, quan yeran baixo dominio tartre. En 1551 os rusos s'anexionoron as tierras d'os chuvaixes. En a primera metat d'o sieglo XVIII os chuvaixes fuoron forzatos a prener o cristianismo ortodoxo ruso.

Dica a revolución de 1917 yeran dispersos en comunidatz rurals y levaban un modo de vida tradicional. En o periodo sovietico, y en especial dimpués d'a Segunda guerra mundial, muitos chuvaixes han ito a treballar a las industrias d'ambito urbán. Beluns encara practican as suyas artes tradicionals: canto coral, bordato, teixito artistico y talla de fusta.

Bibliografía[editar | editar código]

  • Amiram Gonen "Diccionario de los pueblos del mundo". 1996 Anaya&Mario Muchnik.