Carlos Pauner
| Carlos Pauner | ||
|---|---|---|
 Carlos Pauner dimpués de puyar a o Kangchenjunga |
||
| Información personal | ||
| Calendata naiximiento: | 9 de chunio de 1964 | |
| Puesto naiximiento: |  Chaca, Uesca |
|
| Esporte: | Alpinismo | |
| Títols | ||
| 11 ueitomils | ||
Carlos Pauner Gotor (Chaca, Uesca, 9 de chunio de 1964), ye un alpinista aragonés.
A suya primera expedición, en 1995, le leva a puyar a o mont Kun (7.077 m), en India. En marzo de 1997 s'une a una expedición navarra financiata por "Al filo de lo Imposible" ta intentar o suyo primer ueitomil, encara que o Kangchenjunga no se deixará vencer ista vegata.
O suyo primer ueitomil puyato será o K2 en 2001 y, a l'anyo venient, o segundo: o Makalu, estando o primer aragonés que i puya.
En l'anyo 2002, coincidindo con l'"Anyo Internacional d'as Montanyas", o Gubierno d'Aragón decide patrocinar o prochecto de Carlos Pauner ta puyar a os 14 monts que blincan d'os ueitomil metros d'altaria.
Será en 2003 quan ocurre l'accident en que se le da por muerto mientres de tres días, dimpués de fer tuca en o Kangchenjunga. A dificil baixata d'iste mont y as secuelas derivtdas no le sacoron ganas ta continar con o prochecto.
En l'anyo 2004 puyó dos nuevos ueitomils: o Gasherbrum I y o Cho Oyu, en l'anyo 2005 o Nanga Parbat y en 2007 o Broad Peak.
En o 2008 puyó a o Dhaulagiri, consiguindo a suya ueitena tuca de mas de ueitomil metros, y en 2010 consigue a nuena puyando a l'Annapurna y a decena puyando a o Manaslu.[1]
En mayo de 2011, puya a o suyo onceno ueitomil, o Lhotse.[2]
Contenius |
[editar] Ueitomils puyatos por orden cronolochico
- K2, 8.611 m - 2001
- Makalu, 8.463 m - 2002
- Kangchenjunga, 8.586 m - 2003
- Gasherbrum I, 8.068 m - 2004
- Cho Oyu, 8.201 m - 2004
- Nanga Parbat, 8.125 m - 2005
- Broad Peak, 8.047 m - 2007
- Dhaulagiri, 8.167 m – 2008
- Annapurna, 8.091 m – 2010
- Manaslu, 8.163 m – 2010
- Lhotse, 8.516 m – 2011
[editar] Ueitomils que mancan en su carrera
- Everest, 8.848 m – Intento 2005
- Gasherbrum II, 8.035 m
- Shisha Pangma, 8.027 m -Intento 2009
[editar] Se veiga tamién
Ueitomil, lista d'os 14 ueitomils d'a Tierra y de totz os alpinistas que bi han puyato.
[editar] Referencias
[editar] Vinclos externos
[editar] Artíclos en Prensa
- (es) "Rescatan con vida al alpinista perdido en Nepal". El Mundo
- (es) "Desaparece un español tras coronar la tercera montaña más alta del mundo". Libertad Digital
[editar] Documentals
- (es) Kangchenjunga, historia de un superviviente. RTVE.
