Ambre griso

De Biquipedia
Ir ta: navego, busca
Ambre griso provinient d'un cachalot.

L'ambre griso u l'ambra grisa ye una concreción intestinal d'o cachalot provinient d'a interacción d'as secrecions biliars y d'os alimentos incheritos por os cachalotz.

Ye una substancia muit perfumata, solida, sebosa, inflamable, de color grisa variando enta o negrenco y una olor caracteristica. En atro tiempo se'n trobaba més asobén flotando en l'ocián u depositato en as costas, encara que dimpués encomenzoron a extrayer-ne d'os mesmos cachalotz cazatos.

A l'egual que l'ambre amarillenco (que ye una resina fósil), se replega en as plachas u flotando en as ondas d'a mar.

D'antis más se feba servir en perfumería como fixador d'o perfume, pero modernament se l'ha substituito por compuestos sinteticos.

En o "Libro de Marco Polo" parlan de l'ambra grisa d'a costa africana de l'ocián Indico:

Quando ho(m)bre se parte desta ysla de (de)scoyra yendo por medio dia. [mil] leguas troba hombre vna ysla que ha nombre machidescatar la qual es muy grant et boga .iiii.mil. leguas et las gentes son moros et no han Rey mas los vallares los senyorean et biuen de mercaderias et de lures miesses et han muchos orifantes et comen carne de (carne d[e hom]) [camello] mas que de otra carne car dizen que la millor es que hombre pueda auer et han grandes boscages en que han sandil bermello et mucha ambra car ellos toman muchas ballenas en lur mar et han muchos leones et muchos leo pardos et onssos et muchas de otras bestias saluages mucho bestiar domestico et muchas aues qui no son semblantes alas nuestras et han grant mercado de vitualia et vienen hi muchos nauilios et sabet que no saben hir a las yslas [...] sino aquestos et los de senquibar por tal ya ta(n) grandes correntes que va(n) a mig iorn que apenas ne podrie hombre tornar