Alphonse Juin

De Biquipedia
Ir ta: navego, busca
Alphonse Juin
16 d'aviento de 1888 - 27 de chinero de 1967
Información personal
Embotada
Puesto de naixencia Flag of France.svg Bônne (Alcheria francesa, hue Annaba en Alcheria)
Puesto de muerte Flag of France.svg París (Francia)
Información melitar
Leyaltat Flag of France.svg Tercera Republica Francesa
Flag of France.svg Francia de Vichy
Flag of Free France 1940-1944.svg Francia Libre
Anyos de servicio 1912-1962
Rango Mariscal de Francia
Mandos
Unidat
Batallas/guerras Primera Guerra Mundial
Segunda Guerra Mundial
Batalla de Francia
Operación Dynamo
Batalla de Montecassino
Premios
Atras funcions Miembro de l'Academia francesa

Alphonse Pierre Juin, naixito de Bônne (Alcheria francesa, hue Annaba en Alcheria) o 16 d'aviento de 1888 y muerto en París o 27 de chinero de 1967, estió un melitar francés, que plegó en o Exercito francés dica o ran de mariscal de Francia.

Alphonse Juin luitó en a Primera Guerra Mundial, partecipando en bellas batallas, como a primera batalla d'o Marne, estando ferito en 1915. Continó a suya carrera melitar, plegando a cheneral en 1938, mandando en primerías d'a Segunda Guerra Mundial a 15ª División d'Infantería y partecipando en a Operación Dynamo en 1940 mientres a batalla de Francia, a on fue feito presoner por as tropas d'a Wehrmacht d'o Tercer Reich.

Liberato o 15 de chunio de 1941, s'adhibió a o Exercito de Vichy d'a Francia de Vichy, ocupando-ie cargos destacatos, incorporando-se a la Francia Libre nomás que en noviembre de 1942, quan os Aliatos invadioron Africa d'o Norte en a Operación Torch.

En 1943 mandó as tropas francesas que luitaban en Italia (quatre divisions, destacando a suya partecipación en a batalla de Montecassino, a on presionó ta que se bombardeyase o monesterio de Montecassino.

O 14 de chulio de 1952 esdevenió mariscal de Francia.