Zemplín

De Biquipedia
Zemplín
Semplin
Zemplén
Rechión historica d'Eslovaquia
Escudo de Zemplín
Escudo
Entidat
 • Estato
Rechión historica
Flag of Slovakia.svg Eslovaquia
Capital Michalovce
Subdivisions Rechions de Košice y Prešov
Idioma oficial
 • Atros idiomas
Eslovaco
Ucrainés, polaco y hongaro
Slovakia Zemplin.jpg
Situación en Eslovaquia

Zemplín (en alemán Semplin/Semmlin, hongaro Zemplén) ye o nombre d'una rechión historica situada a l'este d'Eslovaquia. Incluye a parti eslovaca de l'antigo condau de Zemplén, a sobén incluyindo tamién a parti eslovaca d'o condau d'Ung (en eslovaco Užská župa/Užský komitát).

Cheografía[editar | modificar o codigo]

A rechión de Zemplín va dende as altarias d'os Carpatos a o norte dica o punto mas baixo d'Eslovaquia a 94 metros. Ista rechión ye situada en a parti mas oriental d'Eslovaquia (difueras d'a rechión de Vihorlatské vrchy y o río Latorica, si no s'incluye o territorio de l'antigo condau d'Ung). Entre os ríos d'ista rechión se troban o río Bodrog, o río Laborec, o río Latorica, o río Uzh, o río Ondava y una parti muit chicota d'o río Tisza.

Zemplín ya no ye una rechión administrativa, encara que se divide entre dos d'as 21 rechions toristicas oficials d'o país, Baixo Zemplín y Alto Zemplín. Administrativament, a rechión ye dividida entre a rechión de Košice, que incluye o districto de Trebišov y a parti mas occidental d'o districto de Michalovce (si se considera que o condau d'Ung ye incluyiu, tamién perteneixerían a Zemplín a parti mas oriental d'o districto de Michalovce y tot o districto de Sobrance), y a rechión de Prešov, incluyindo de tot os districtos de Humenné, Snina y Medzilaborce y gran parti d'os districtos de Vranov nad Topľou y Stropkov. Entre as prencipals ciudatz s'incluyen Michalovce, Trebišov y Humenné.

Historia[editar | modificar o codigo]

A rechión de Zemplín, administrada dende o castiello de Zemplín ya yera una unidat administrativa d'a Gran Moravia en o sieglo IX. Dimpués d'a suya integración en o Reino d'Hongría, se convirtió en o condau de Zemplén.

Entre 1879 y 1901 mas de 32.000 personas emigroron dende os districtos eslovacos de Zemplín enta os Estaus Unius.[1]

En 1918 a parti eslovaca de Zemplín se convirtió en parti d'o recient formau estau de Checoslovaquia. A metat meridional (incluyindo a mayor parti d'o dividiu Sátoraljaújhely) permaneixió en Hongría como o condau de Zemplén.

Mientres a Segunda Guerra Mundial, quan Checoslovaquia fue trestallada temporalment, belunas d'as partis checoslovacas d'o condau de Zemplen fuoron ocupadas por Hongría a traviés d'o Primer arbitrache de Viena, y ahibidas a os condaus de Zemplén y Ung. Dimpués d'a Segunda Guerra Mundial, se restauroron as mugas pre-belicas y o condau hungaro de Zemplén s'unió con o condau de Borsod y a parti hungara d'Abov-Turňa ta formar l'actual condau de Borsod-Abaúj-Zemplén. Dende a deseparación de Checoslovaquia en Eslovaquia y a Republica Checa en 1993, a parti septentrional de Zemplín fa parti d'Eslovaquia, dividida entre as partis orientals d'as rechions de Košice y Prešov.

Referencias[editar | modificar o codigo]

  1. (en) Stolarik, Marian Mark. Immigration and Urbanization: The Slovak Experience, 1870-1918 (New York: AMS Press, 1989) p. 23

Vinclos externos[editar | modificar o codigo]