ZX Spectrum

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'ordinador domestico ZX Spectrum.

ZX Spectrum estió un ordinador domestico creyau por Sir Clive Sinclair basau en o procesador Z80 de Zilog, con una memoria ROM de 16 KB y una memoria d'acceso aleatorio (RAM) de 16 u 48 KiB, teclau de goma y interprete de BASIC incorporau. Estió una evolución d'o ZX81 a o que s'incorporaba color y mayor capacidat d'almagazenamiento.

Amaneixió en o mercau d'os ordinador domesticos en 1982 en o Reino Uniu por parti de Sinclair Research Ltd. Conoixiu como que Speccy por os suyos fans, o ZX Spectrum representó o primer ordinador domestico que tenió una important acullida en Europa, muit pareixiu a o que succedió con o Commodore 64 (u C64) en Estaus Unius; o C64 estió o maximo competidor d'o ZX Spectrum en o mercau europeu.

Modelos

Fabricaus por Sinclair Research

• ZX Spectrum 16 KiB.
• ZX Spectrum 48 KiB.
• ZX Spectrum +.
• ZX Spectrum 128.

Fabricaus por Amstrad

• ZX Spectrum +2.
• ZX Spectrum +2A/+2B.
• ZX Spectrum +3.

Software

A familia Spectrum tien una biblioteca de software muit gran, de mas de 23.000 titols que encara ye creixendo. Mientres que a mayoría d'istos son chuegos, a biblioteca ye muit diversa, incluindo implementacions de luengaches de programación, bases de datos (por eixemplo, VU-File), procesadors de texto (p. eix., Tasword II), fuellas de calculo (p. eix., VU-Calc), ferramientas de dibuixo y pintura (p. eix., OCP Art Studio), y mesmo en modelau 3D ( p. eix., VU-3D) y software d'arqueolochía entre muitos atros tipos.

As limitacions d'hardware d'o Spectrum imposaban un livel especial de creyatividat a os disenyadors de videochuegos, os cuals son muit creativos y chugables mesmo pa os estandars de hue. O gran exito d'os primers modelos de Spectrum como que una plataforma de chuegos plegó manimenos a suya falta de puertos integraus de ceprén de control, cheneración de son primitiva y suporte de color que s'ha optimizau pa la visualización de texto.

Se veiga tamién

• Retroinformatica.

Vinclos externos

• (en) Word of Spectrum

• Datos: Q23882
• Multimedia: Sinclair ZX Spectrum / Q23882