Iaccetans

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iaccetans  (†) Iakketanoi
Periodo
Edat Antiga
Rechions actuals
Chacetania (Aragón)
Idiomas
Ibero y protobasco
Pueblos relacionaus
Basco-aquitanos, pueblos ibers y pueblos celtibers
Mapa
Iaccetans en royo

Los iaccetans (iakketanoi en griego clasico, iacetani en latín) estió una comunidat humana que pobló parte de l'Alto Aragón antes de los romanos.

A suya capital estió Iacca (actual Chaca, en escritura ibera ) d'on prenen lo nombre. S'ha considerato que podeban estar relacionatos con los aquitano, por lo pareixito de nombre, que puet estar casual. Se sape que emitioron moneda. Los mencionan Estrabón, Plinio lo Viello y Ptolomeu.

La suya pertinenza u no a los pueblos basco-aquitanos ye controvertita. Estrabón los menciona en las suyas cronicas sobre Sertorio como un pueblo independient de los bascons, pero Ptolomeu diz que Iacca yera una ciudat bascona.

Los enemigos naturals de los iaccetans yeran los suessetans de Cinco Villas y talment Plana de Uesca. A sobén los iaccetans saqueyaban las tierras de los suessetans. Los romanos redotoron a los iaccetans en 195 aC, cuan Catón prenio Iacca con aduya suessetana (los suessetans distrayoron a l'exercito iaccetán). En l'anyo 19 lo suyo territorio fue adhibito a l'Imperio Romano dimpués de las Guerras Cantabras.

Se sape poco de la suya cultura material porque lo suyo territorio no ye rico en chacimientos arqueolochicos de la suya epoca. La poca ceramica trobata en lo suyo territorio puet estar u derivata de la ceramica de los Campos d'Urnas u d'orichen ibero ilerchet.

En tiempos d'Al-Andalus u dominación musulmana en a Peninsula Iberica a localidat de Chaca yera despoblata u poco poblata pero quedaba recuerdo onomastico d'os iaccetans u Al-Djalasqiyyin que mencionan ciertas cronicas encara en o sieglo IX. En l'anyo 852 s'escribió:

Este anyo se desvinió a batalla d'Al-Baydá (ye situata Al-Baydá amán d'a ciudat de Baqira, en tierras de Pamplona) entre musulmans y los infidels d'al-Djalasqiyyin. O primer día de topetar-sen estió desfavorable a los musulmans, y muitos fuoron marturiatos, y ixe mesmo día Musa ibn Musá recibió trenta y cinco lanzatas que trescurzoron as mallas d'a suya lorica. Pero a lo segundo día os musulmans refusoron l'ataque, indo en vanguardia Musa ibn Musá, que, encara que con feritas, encendió l'animo d'os musulmans y fació os millors servicios. Os djalasqiyyin, enemigos de dios, sufrioron a pior derrota, y a tierra quedó cubierta d'os suyos calabres

Dos cheografos de principios d'o sieglo X (Istahrí y Iacubí) escribioron en arabe o nombre d'o país d'os iaccetans:

dimpués s'une por a part d'a mar con o país d'Alafranc, y por part de tierra con o país d'Alchascas, que ye país de guerra y perteneixe a los cristianos; dimpués s'une con o país d'os bascons, que tamién perteneixe a los cristianos; dimpués, a los país d'os gallegos, que tamién perteneixe a los cristianos.

y a lo norte d'ella una ciudat dita Tudela, debant a tierra d'os infidels ditos bascons; y a lo norte d'esta ciudat (de Zaragoza) bi n'ha d'atra dita Uesca, que ye mugant con os francos, d'una traza ditos chascas.

Vinclos externos

• Pachina sobre la moneda ibera
• Gran Enciclopedia Aragonesa
• Gran Enciclopedia Rialp sobre os iaccetans

• Datos: Q508053