Waldemar Cierpinski

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Waldemar Cierpinski

Información personal
Naixencia	3 d'agosto de 1950 Neugattersleben, Saxonia-Anhalt, (RDA, hue Alemanya)
Reside a	Halle
Esporte	Atletismo
Chuegos olimpicos
Oro	Mont-reyal 1976	Maratón
Oro	Moscú 1980	Maratón
Campionato d'o Mundo d'Atletismo
Bronce	Helsinki 1983	Maratón
Premios
- Millor esportista d'a RDA en os anyos 1976 y 1980.

Waldemar Cierpinski, naixito de Neugattersleben, Saxonia-Anhalt, (Republica Democratica Alemana, hue Alemanya) o 3 d'agosto de 1950, ye un atleta alemán hue retirato que yera especializato en cursas de luenga distancia y compitió por l'equipo d'a Republica Democratica Alemana. A suya muller ye Maritta Politz que fue tamién una atleta olimpica en Munich 1972 y o suyo fillo Falk Cierpinski ye un conoixito esportista en alemanaya, partecipanto en prebas de Maratón, duatlón y triatlón.

Partecipó en dos Chuegos Olimpicos, en Mont-reyal 1976 y Moscú 1980 estando campión en os d'os en a preba de Maratón, Cierpinski no pudió esfender o suyo títol en os seguents Chuegos por o boicot d'os países comunistas a os Chuegos Olimpicos de Los Angeles 1984. Tamién aconsiguió una medalla de bronce en o Campionato d'o Mundo d'atletismo en Helsinki 1983 y partecipó en o Campionato d'Europa d'Atletismo estando 4º en Praga 1978 y 6º en Atenas 1982.

Waldemar Cierpinski estió esleyito millor esportista d'a RDA en os anyos 1976 y 1980, actualment ye miembro d'o COA (Comité Olímpico Alemán) y tien dos botigas esportivas en Halle a on tien o suyo puesto de residencia.