Vuelo espacial

De Biquipedia
Ir ta: navego, busca

Un vuelo espacial ye l'acción de viachar a u a traviés d'o espacio exterior y se fa con una nave espacial que puet transportar humans a bordo u no transportar-ne. Bells eixemplos de vuelos espacials tripulatos son o programa Soiuz ruso, o programa d'o transbordador espacial estatounitense u a Estación Espacial Internacional; eixemplos de vuelos no tripulatos son as sondas espacials y os satelites artificials en orbita arredol d'a Tierra, tals como satelites de comunicacions.

Os vuelos espacials son emplegatos ta a exploración espacial y tamién ta actividatz comercials como o torismo espacial y as telecomunicacions por satelite. Belatros usos no comercials d'os vuelos espacials son os observatorios espacials y os satelites d'observación terrestre.

Un vuelo espacial por un regular prencipia con un lanzamiento espacial d'un codete que le da a iste o empentón inicial que amenista ta eslampar d'a fuerza d'a gravedat terrestre y propulsar-lo enta o espacio; una vegata astí, o movimiento d'a nau espacial s'estudia por una aria d'a fisica dita astrodinàmica. Bellas naus espacials están en o espacio ta cutio, atras se desintegran mientres a reentrata atmosferica y atras arriban a una superficie planetaria u lunar sobre a que aterrizan u impactan.