Programa Space Shuttle

De Biquipedia
Ir a la navegación Ir a la búsqueda
Lanzamiento d'o Discovery en octubre de 2007.

O programa Space Shuttle estió lo quarto programa espacial tripulau d'a NASA y teneba como obchectivo estar un sistema reutilizable capaz d'abaratir l'acceso a lo espacio. Se preveyeba que i habría un lanzamiento tripulau cada mes con capacidat pa transportar dica 74 personas encara que a la fin o ritmo estió notablement inferior a causa d'o suyo elevau coste (bells 450 millons de dolars). O programa estió finalment cancelau en 2011.

Partis d'o sistema[editar | editar código]

O Space Shuttle (u tamién clamau STS d'o acronimo d'anglés Space Transportation System) yera componiu per tres partis: a nau que yera clamada orbitador, un deposito externo clamau ET (External Tank) y dos codetes laterals de combustible solidos clamaus SRB (Solid Rocket Boosters).

Historia[editar | editar código]

O programa estió aprebau en mayo de 1972. A causa d'a intervención d'o Pentágono en o prochecto lo transbordador estió en o suyo disenyo final muito mas gran y complexo que lo prochectau orichinalment per a NASA. Asinas yera capaz de carriar elevadas cargas como pesaus satelites militars. O 12 d'abril de 1981, dimpués de quantas anyadas de retardo, desapegó finalment o primer transbordador. O programa estió cancelau en 2011 dimpués de 135 misions enta lo espacio.

Misions destacadas[editar | editar código]

Naus[editar | editar código]

Nau Designación Calendata d’o primer vuelo Numero de misions Comentarios
Enterprise OV-101 12 d'agosto de 1977 - Nomás que vuelos de preba en l'atmosfera terrestre. [1]
Columbia OV-102 12 d'abril de 1981 28 Estió destruyíu mientres que la suya dentrada en l'atmosfera terrestre matando a los suyos siet astronautas o 1 de febrero de 2003.
Challenger OV-099 4 d'abril de 1983 10 Estió destruyíu mientres que lo suyo lanzamiento matando a los suyos siet astronautas o 28 de chinero de 1986.
Discovery OV-103 30 d'agosto de 1984 38 En 1990 transportó lo telescopio espacial Hubble enta lo espacio.
Atlantis OV-104 3 d'octubre de 1985 32 Fació lo zaguer vuelo d'o programa en 8 de chulio de 2011.
Endeavour OV-105 7 de mayo de 1992 24
O Challenger esclata mientres que lo suyo desapegue matando a totz os suyos astronautas a bordo lo 28 de chinero de 1986.

Referencias[editar | editar código]

  1. (de) Eugen Reichl:Bemannte Raumfahrzeuge, Motorbuch Verlag, 2010, ISBN 978-3-613-03197-5, p.86

Se veiga tamién[editar | editar código]