Perihelio

De Biquipedia
Ir a la navegación Ir a la búsqueda

Perihelio (d'as parolas griegas περί (peri-) "amán de" y ηλιος (helios) "Sol") ye lo punto mas cercano d'a orbita d'un cuerpo celeste arredol d'o Sol. Ye l'opuesto a l'afelio.

Perihelio (punto verde) y afelio (punto royo) en as orbitas d'as planetas interiors n'o Sistema Solar

Actualment a Tierra aconsigue lo perihelio d'a suya orbita a primers de chinero, mientres que aconsigue l'afelio pa primers de chulio.

En o perihelio la distancia d'a Tierra a lo Sol ye de 0,98329 UA (147.098.070 km) mientres que en o afelio ye de 1,01671 UA (152.097.700 km). A causa d'a mayor distancia, durant o afelio se recibe o 93,55 % d'a radiación solar respective a lo perihelio. Manimenos, isto no tiene tasament influencia en as estacions ya que istas son o resultau d'a inclinación de l'eixe d'a Tierra. Asinas entre o estiu d'o hemisferio norte, tot y que la Tierra ista en o punto mas aluenyau d'a suya orbita (o afelio), os rayos d'o Sol inciden dreitament mientres que en hibierno lo fan con una inclinación de 23.4 graus.

Se veiga tamién[editar | editar código]