Veilador

De Biquipedia
Ir a la navegación Ir a la búsqueda
Veilador en Tallinn, Estonia.
Apilamiento de siellas pa servicio d'una veilador.

Un veilador u vilador ye un espacio hostelero exterior (bien en patios u a l'aire libre).[1] A sobén se estableixe como una prolongación externa d'un negocio ya existent como puet estar una tabierna, un restaurant u hotel que se puet reyalizar a piet de carrera bien siga en o espacio d'una plaza, un chardín, un mirador con anvistas, en o porche d'un edificio, en una sala, u chunto a atros veiladors en un bulevard. Se composa d'una serie de mesas «vestidas» (ye decir con un mantel) y un conchunto de siellas arredol. Iste servicio puet estar protechiu con una pergola (parasols u uembrerillas) que guardan a os clients d'o mal orache, u que proporcionan uembra. Os veiladors han estau emplegaus en os puestos toristicos como espacios de servicio hostelero de valura anyadida. O cobro de propinas debidas a o servicio d'o cambrero penderá d'os costumbres, normas y usaches de cada país.

Caracteristicas[editar | modificar o codigo]

O veilador quedará catalogau por o numero de mesas a estar atendidas por os cambreros. En muitos casos a suya aria de servicio ye subchecta a impuestos municipals por ocupar una superficie urbana u vía publica, o suyo uso por temporada, horarios d'ubertura y zarre, publicidat, disposición d'os veiladors en a vía publica, instalación d'electricidat, etc. Puet disponer d'un aria acotada con chardineras, baranas u toldos, y mesas y siellas gosan estar feitas con materials que permitan estar montadas en prencipiar a chornada y desmontadas en rematar a mesma. O suyo utillache minimo gosa estar un sarvilletero, un menú y un mantel puestos sobre a mesa. Tamién puet disponer de servicios d'acondicionamiento como aire acondicionau, estufas, filo musical, pantallas, etc.

A gama, muit ampla puet ir dende veiladors de restaurants de luxo dica veiladors d'autoservicio.[2]

Referencia[editar | modificar o codigo]

  1. (es) José María Pérez Pascual, (2001), Hostelería Técnicas y Calidad de Servicio,Madrid,
  2. (en) Penélope Casas, (2007), Tapas: The Little Dishes of Spain,Alfred A. Knopf, Nueva York, ISBN 9780307265524